പാലാ: കോർപ്പറേറ്റുകൾക്കുവേണ്ടി നടത്തുന്ന പകൽകൊള്ളയാണ് ദിനംപ്രതിയുള്ള പെട്രോൾ, ഡീസൽ, പാചകവാതകവില വർദ്ധനവെന്ന് മാണി.സി കാപ്പൻ എം.എൽ.എ പറഞ്ഞു. പെട്രോളിയം ഉത്പന്നങ്ങളുടെ വിലവർദ്ധനവിനെതിരെ യു.ഡി.എഫ് ആഹ്വാനം ചെയ്ത കുടുംബ സത്യഗ്രഹസമരത്തിൽ പങ്കെടുത്തു സംസാരിക്കുകയായിരുന്നു അദ്ദേഹം. ഭാര്യ ആലീസ്, മകൾ ദീപ, മരുമകൻ ദീപു, കൊച്ചുമക്കളായ റയാൻ, നിയ, ഭരണങ്ങാനം ഗ്രാമപഞ്ചായത്തംഗം വിനോദ് ചെറിയാൻ വേരനാനി, തങ്കച്ചൻ മുളകുന്നം, എം.പി കൃഷ്ണൻനായർ, അപ്പച്ചൻ ചെമ്പൻകുളം, ജിൻസ് കാപ്പൻ, രജനി എന്നിവരും കുടുംബ സത്യഗ്രഹത്തിൽ പങ്കാളികളായി.