പാലാ : നിയോജകമണ്ഡലത്തിലെ സ്‌കൂളുകളിൽ നിന്ന് പത്താം ക്ലാസ് പരീക്ഷയിൽ എല്ലാ വിഷയങ്ങൾക്കും എ പ്ലസ് ഗ്രേഡ് കരസ്ഥമാക്കിയ എല്ലാ വിദ്യാർത്ഥികൾക്കും എം.എൽ.എ എക്‌സലൻസ് അവാർഡ് ഈ വർഷവും നൽകുമെന്ന് മാണി സി കാപ്പൻ എം.എൽ.എ അറിയിച്ചു. പ്രശസ്തിപത്രവും 300 രൂപ വില വരുന്ന പാർക്കർ പേനയുമാണ് സമ്മാനിക്കുന്നത്. സി.ബി.എസ്.സി, ഐ.സി.എസ്.ഇ സിലബസ് പഠിക്കുന്ന കുട്ടികൾക്കും അവാർഡ് നൽകും. പന്ത്രണ്ടാം ക്ലാസിൽ എല്ലാ വിഷയത്തിനും എ പ്ലസ് നേടുന്നവർക്കും അവാർഡ് സമ്മാനിക്കും. നൂറു ശതമാനം വിജയം നേടിയ സ്‌കൂളുകൾക്ക് പ്രശസ്തി പത്രവും മെമന്റോയും സമ്മാനിക്കും. എ പ്ലസ് ലഭിച്ച കുട്ടികളുടെ വിവരങ്ങൾ tvgeorge24959@gmail.com എന്ന വിലാസത്തിൽ ആഗസ്റ്റ് 10നകം സ്‌കൂൾ അധികൃതർ അയയ്‌ക്കേണ്ടതാണ്. റിസൾട്ട് പ്രഖ്യാപിക്കാത്ത വിഭാഗക്കാർ റിസൾട്ട് പ്രഖ്യാപിച്ചശേഷം അയച്ചാൽ മതിയാകും. ഫോൺ : 9447575912.