ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ നടത്തുന്ന ഓൺലൈൻ വിവാഹപൂർവ കൗൺസലിംഗിന്റെ 64- ാമത് ബാച്ചിന്റെ ഉദ്ഘാടനം മതുമൂല യൂണിയൻ മന്ദിരഹാളിൽ ഓൺലൈനായി നടന്നു. കോഴ്‌സിന്റെ ഉദ്ഘാടനം യൂണിയൻ പ്രസിഡന്റ് ഗിരീഷ് കോനാട്ട് നിർവഹിച്ചു. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിച്ചു. ബോർഡ് മെമ്പർ എൻ.നടേശൻ, യൂണിയൻ വൈസ് പ്രസിഡന്റ് പി.എം ചന്ദ്രൻ, കോഓർഡിനേറ്റർ പി.അജയകുമാർ, യൂത്ത്മൂവ്‌മെന്റ് യൂണിയൻ സെക്രട്ടറി അനിൽ കണ്ണാടി തുടങ്ങിയവർ പങ്കെടുത്തു.