കോട്ടയം: എസ്.എൻ.ഡി.പി യോഗം 32 -ാം നമ്പർ കിളിരൂർ ശാഖയുടെ നേതൃത്വത്തിൽ എസ്.എസ്.എൽ.സി പരീക്ഷയിൽ ഉന്നത വിജയം നേടിയ വിദ്യാർത്ഥികൾക്കുള്ള അവാർഡ് ദാനവും മന്ത്രി വി.എൻ വാസവന് അനുമോദനവും നൽകി. ശാഖാ പ്രസിഡന്റ് എ.കെ മോഹനൻ അദ്ധ്യക്ഷത വഹിച്ചു. മന്ത്രി വി.എൻ വാസവൻ യോഗം ഉദ്ഘാടനം ചെയ്തു. ശാഖാ സെക്രട്ടറി ടി.എം സന്തോഷ്‌കുമാർ, എസ്.എൻ.ഡി.പി യോഗം കോട്ടയം യൂണിയൻ സെക്രട്ടറി ആർ.രാജീവ് എന്നിവർ വിദ്യാഭ്യാസ അവാർഡ് വിതരണം നടത്തി. തിരുവാർപ്പ് പഞ്ചായത്ത് പ്രസിഡന്റ് അജയൻ കെ.മേനോൻ വിദ്യാഭ്യാസ സന്ദേശം നൽകി. ഡെപ്യൂട്ടി കളക്ടർ പി.ജി രാജേന്ദ്രബാബുവിനെ ആദരിച്ചു. യൂണിയൻ കൗൺസിലർ സജീഷ് കുമാർ മണലേൽ മുഖ്യപ്രഭാഷണം നടത്തി. ജില്ലാ പഞ്ചായത്തംഗം കെ.വി ബിന്ദു, ബ്ലോക്ക് അംഗം എ.എം ബിന്നു, പഞ്ചായത്തംഗം കെ.എ സുമേഷ്‌കുമാർ, എസ്.എൻ.ഡി.പി ഹയർ സെക്കൻഡറി സ്‌കൂൾ പ്രിൻസിപ്പൽ പി.എസ് ലിൻസി, റിട്ട.ഹെഡ്മിസ്ട്രസ് വി.ആർ റീനാ, പി.ടി.എ പ്രസിഡിന്റ് സി.എസ് റെജി, ശാഖാ വൈസ് പ്രസിഡന്റ് ടി.കെ ജയരാജ് എന്നിവർ പ്രസംഗിച്ചു.