വൈക്കം : ന്യൂഇന്ത്യ അഷ്വറൻസ് കമ്പനി ഓഫീസേഴ്‌സ് അസോസിയേഷൻ സംസ്ഥാന കമ്മിറ്റി നിർദ്ധന വിദ്യാർത്ഥികൾക്ക് ഓൺലൈൻ പഠനത്തിന് ടാബുകൾ വിതരണം ചെയ്തു. വൈക്കം ഗവ.ഗേൾസ് ഹയർസെക്കൻഡറി സ്‌കൂളിൽ സംസ്ഥാന പ്രസിഡന്റ് സെബാസ്റ്റ്യൻ ജോൺ പേരയിൽ ഉദ്ഘാടനം ചെയ്തു. പ്രിൻസിപ്പൽ ജോൺ.എസ് ടാബ് ഏറ്റുവാങ്ങി. വൈക്കം ബ്രാഞ്ച് മാനേജർ ആർ. രവീന്ദ്രനാഥ് , അദ്ധ്യാപക പ്രതിനിധികളായ ടോം ജോസ്, പി.ജെ.ജോമോൻ, സി.ജെ.രവി, സാജു ജോസഫ് എന്നിവർ പങ്കെടുത്തു.