തലയോലപറമ്പ് : ജലാശയങ്ങളുടെയും കായാലോര പ്രദേശങ്ങളുടെയും സംരക്ഷണത്തിനായി ഹരിത കേരളം മിഷൻ,മറവൻതുരുത്ത് പഞ്ചായത്ത് എന്നിവയുടെ സംയുക്താതാഭിമുഖ്യത്തിൽ കണ്ടൽ നടീൽ പദ്ധതിക്ക് തുടക്കമായി. കൊടുപ്പാടം പത്തുപറയിൽ ഫിഷ്ഫാമിൽ മറവൻതുരുത്ത് പഞ്ചായത്ത് പ്രസിഡന്റ് കെ.ബി.രമ ഉദ്ഘാടനം നിർവഹിച്ചു.150തോളം കണ്ടൽ ചെടികളാണ് ഫിഷ്ഫാമിന് ചു​റ്റുമായി നട്ടിട്ടുള്ളത്. പഞ്ചായത്ത് സെക്രട്ടറി രാജീവ്, അസി.സെക്രട്ടറി മധു, ഹരിത കേരളം മിഷൻ റിസോഴ്‌സ് പേഴ്‌സൺ അജിത്കുമാർ, കർഷകരായ പത്തു പറയിൽ ശിവദാസൻ, അജയൻ പത്തു പറയിൽ, ലക്ഷ്മണൻ ഗോപഭവനം, വിജയബാബു ചെമ്പഴന്തി, തൊഴിലുറപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.