കരിമീൻ പൊള്ളിച്ചത്

ചേരുവകൾ
കരിമീൻ - 5 എണ്ണം
കുരുമുളക് - 8 എണ്ണം
ഉണക്കമുളക് - 12 എണ്ണം
ചുവന്നുള്ളി - 8 എണ്ണം
വെളുത്തുള്ളി - 7 അല്ലി
എണ്ണ - 2 ടേബിൾ സ്‌പൂൺ
മഞ്ഞൾപ്പൊടി - അര ടേബിൾ സ്‌പൂൺ
ഉപ്പ് - പാകത്തിന്
നാരങ്ങ - ഒരെണ്ണം
തയ്യാറാക്കുന്നവിധം
മീൻ വരഞ്ഞ് ഉപ്പും നാരങ്ങാനീരും ചേർത്ത് പത്തുമിനിട്ട് വയ്‌ക്കുക. ഉണക്കമുളക്, കുരുമുളക്, മഞ്ഞൾപ്പൊടി, വെളുത്തുള്ളി, ചുവന്നുളളി ഇവ നന്നായി അരച്ച് മീനിൽ പുരട്ടിവയ്‌ക്കുക. ഒരു പരന്ന പാത്രത്തിൽ വാഴയിലയിൽ എണ്ണ പുരട്ടിവച്ച് അതിന്റെ മുകളിൽ മീൻ വച്ച് മറ്റൊരില അതിനുമുകളിലിട്ട് പാത്രം കൊണ്ട് അടച്ച് വച്ച് ചെറുതീയിൽ വേവിക്കുക. രണ്ടുവശവും മൂപ്പിച്ചെടുക്കുക.

ഫിഷ് ബോൾസ്

ചേരുവകൾ
ദശയുള്ള മീൻ - 500 ഗ്രാം
സവാള - 150 ഗ്രാം
ഉരുളക്കിഴങ്ങ് - 250 ഗ്രാം
റൊട്ടിപ്പൊടി - 75 ഗ്രാം
എണ്ണ - 50 ഗ്രാം
വിനാഗിരി - ഒരു ടീസ്‌പൂൺ
പച്ചമുളക് - 15 ഗ്രാം
മുട്ട - ഒന്ന്
ഇഞ്ചി - ഒരു കഷണം
മുളക്പൊടി - ഒരു ടേബിൾ സ്‌പൂൺ
ഉപ്പ് - പാകത്തിന്
തയ്യാറാക്കുന്നവിധം
മീനും വിനാഗിരിയും പൊടിയായി അരിഞ്ഞ സവാളയും ഉപ്പും ചേർത്ത് വേവിച്ച് മീനിന്റെ ദശമാത്രം എടുക്കുക. ഇഞ്ചി, സവാള, പച്ചമുളക് ഇവ ചെറുതായി അരിഞ്ഞതും മുളകുപൊടിയും ഇട്ട് നന്നായി വഴറ്റുക. വഴന്നു കഴിയുമ്പോൾ പുഴുങ്ങി ഉടച്ച ഉരുളക്കിഴങ്ങും മീൻ ദശയും ചേർത്ത് വഴറ്റുക. വെള്ളം വറ്റിയാൽ ഇറക്കി വയ്‌ക്കുക. ചൂടാറുമ്പോൾ ഈ കൂട്ട് ചെറിയ ഉരുളകളായി ഉരുട്ടുക. ഓരോ ഉരുളയും മുട്ട അടിച്ചതിൽ മുക്കി റൊട്ടിപ്പൊടി പുരട്ടി എണ്ണയിൽ വറുത്തെടുക്കുക.

ഞണ്ട് ചിക്കിയത്
ചേരുവകൾ
ഞണ്ട് - 500 ഗ്രാം
തേങ്ങ - ഒരു മുറി
മഞ്ഞൾപ്പൊടി - അര സ്‌പൂൺ
മുളകുപൊടി - അര സ്‌പൂൺ
ഇറച്ചിമസാല - ഒരു സ്‌പൂൺ
പച്ചമുളക് - രണ്ടെണ്ണം
വേപ്പില - ഒരു തണ്ട്
ഇഞ്ചി - ഒരു കഷണം
ഉപ്പ് - പാകത്തിന്
വെള്ളം - ഒരു കപ്പ്
എണ്ണ - 100 ഗ്രാം
കടുക് - ഒരു സ്‌പൂൺ
തയ്യാറാക്കുന്ന വിധം
ഞണ്ട് തോടോടുകൂടി ഒരു കപ്പ് വെള്ളമൊഴിച്ച് പുഴുങ്ങുക. തണുക്കുമ്പോൾ തോട് പൊട്ടിച്ച് മാംസം ഇളക്കിയെടുത്ത് ചെറുതായി അരിയുക. തേങ്ങ ചിരകി മഞ്ഞൾപൊടിയും മുളകുപൊടിയും ചേർത്ത് നന്നായി തിരുമ്മിയെടുക്കുക. ഇഞ്ചി ചെറുതായി അരിഞ്ഞു വയ്‌ക്കുക. പച്ചമുളക് വട്ടത്തിലരിയുക. ചട്ടിയിൽ എണ്ണ ചൂടാകുമ്പോൾ കടുക് പൊട്ടിക്കുക. ഇതിൽ ഇഞ്ചി, പച്ചമുളക്, കറിവേപ്പില എന്നിവ വഴറ്റുക. ഇതിലേക്ക് ഞണ്ട് കഷണങ്ങൾ ചേർത്തിളക്കുക. പാത്രം അടച്ച് വേവിക്കുക. വീണ്ടും ഇളക്കുക. ശേഷം ഇറച്ചിമസാലപ്പൊടി ചേർത്ത് നന്നായി യോജിപ്പിക്കുക. മസാല കഷണങ്ങളിൽ പിടിക്കുമ്പോൾ തിരുമ്മിയ തേങ്ങയും ഉപ്പും ചേർത്തിളക്കുക. നന്നായി മൂക്കുമ്പോൾ വാങ്ങി വയ്‌ക്കുക.

ഞണ്ട് വറുത്തത്
ചേരുവകൾ
ഞണ്ട് - അര കിലോ
എണ്ണ - 100 ഗ്രാം
വെളുത്തുളളി - 3 അല്ലി
കുരുമുളക് - ഒരു സ്‌പൂൺ
മുളകുപൊടി - അര സ്‌പൂൺ
മഞ്ഞൾപ്പൊടി - അര സ്‌പൂൺ
മസാലപ്പൊടി - ഒരു സ്‌പൂൺ
ഉപ്പ് - പാകത്തിന്
വെള്ളം - ഒരു കപ്പ്
തയ്യാറാക്കുന്ന വിധം
തോടുകളയാത്ത ഞണ്ട് ചട്ടിയിലിട്ട് വെള്ളവും ഉപ്പും ചേർത്ത് പുഴുങ്ങുക. ശേഷം തോട് നീക്കി കഷണങ്ങളാക്കുക. വെളുത്തുള്ളി, കുരുമുളക്, മുളകുപൊടി, മഞ്ഞൾപ്പൊടി, മസാലപ്പൊടി, ഉപ്പ് എന്നിവ അരച്ചെടുക്കുക. ഞണ്ട് കഷണങ്ങളിൽ അരപ്പു പുരട്ടിവയ്‌ക്കാം. ചീനച്ചട്ടിയിൽ എണ്ണയൊഴിച്ച് ചൂടാകുമ്പോൾ അരപ്പു പുരട്ടിയ ഞണ്ട് ചേർക്കുക. ഇതിൽ അല്‌പം വെളളം തൂവി അടച്ചു വച്ച് വേവിക്കുക. വെള്ളം വറ്റി കഷണങ്ങളിൽ അരപ്പു പിടിക്കുമ്പോൾ ബാക്കി എണ്ണ ചേർത്ത് മൊരിച്ചെടുക്കുക.

കരിമീൻ മപ്പാസ്

ചേ​രു​വ​കൾ
1.​ ​ക​രി​മീ​ൻ-​ ​ ​അ​ര​ ​കി​ലോ​ഗ്രാം
2.​ ​ഇ​ഞ്ചി​(​ന​ന്നാ​യി​ ​അ​രി​ഞ്ഞ​ത്)-​ ​ ​അ​ര​ ​ടേ​ബി​ൾ​ ​സ്പൂൺ
വെ​ളു​ത്തു​ള്ളി​(​ന​ന്നാ​യി​ ​ച​ത​ച്ച​ത്)​ -​ ​അ​ഞ്ച് ​അ​ല്ലി​കൾ
സ​വാ​ള​(​ ​അ​രി​ഞ്ഞ​ത്)​ -​ ഒ​ന്ന​ര​ ​ക​പ്പ്
ചെ​റി​യ​ ​ചു​മ​ന്നു​ള്ളി​(​അ​രി​ഞ്ഞ​ത്)​-​ ​ ​ഒ​രു​ ​ടീ​സ്‌​പൂൺ
ക​ടു​ക് -​ അ​ര​ ​ടീ​സ്പൂൺ
3​ ​പ​ച്ചു​മു​ള​ക്(​ ​നെ​ടു​കെ​ ​പി​ള​ർ​ന്ന​ത്)​ -​ അ​ഞ്ചെ​ണ്ണം
മ​ല്ലി​പ്പൊ​ടി​-​ ​ഒ​ന്ന​ര​ ​ടേ​ബി​ൾ​സ്‌​പൂൺ
4​ ​തേ​ങ്ങാ​പ്പാ​ൽ​(​വെ​ള്ളം​ ​ചേ​ർ​ക്കാ​തെ​)-​ ​ ​ര​ണ്ട് ​ക​പ്പ്
5​ ​ഗ​രം​ ​മ​സാ​ല-​ ​ഒ​രു​ ​നു​ള്ള്
6​ ​വി​നാ​ഗി​രി-​ ​ ​ഒ​രു​ ​ടീ​സ്‌​പൂൺ
7​ ​ക​റി​വേ​പ്പി​ല​ -​ ആ​വ​ശ്യ​ത്തി​ന്
8​ ​വെ​ളി​ച്ചെ​ണ്ണ-​ ആ​വ​ശ്യ​ത്തി​ന്
9​ ​ഉ​പ്പ് -​ ആ​വ​ശ്യ​ത്തി​ന്
ത​യ്യാ​റാ​ക്കു​ന്ന​ ​വി​ധം
ചു​വ​ട് ​ക​ട്ടി​യു​ള്ള​ ​പാ​ത്ര​ത്തി​ൽ​ ​ആ​വ​ശ്യ​ത്തി​ന് ​വെ​ളി​ച്ചെ​ണ്ണ​യൊ​ഴി​ച്ച് ​ചൂ​ടാ​കു​മ്പോ​ൾ​ ​ര​ണ്ടാ​മ​ത്തെ​ ​ചേ​രു​വ​ക​ൾ​ ​ചേ​ർ​ത്ത് ​ന​ന്നാ​യി​ ​ചു​വ​ക്കെ​ ​മൂ​പ്പി​ക്കു​ക.​ ​ഇ​വ​ ​ന​ന്നാ​യി​ ​ചു​മ​ന്ന് ​ക​ഴി​ഞ്ഞാ​ൽ​ ​അ​തി​ലേ​യ്‌​ക്ക് ​മൂ​ന്നാ​മ​ത്തെ​ ​ചേ​രു​വ​ ​കൂ​ടി​ ​ചേ​ർ​ത്ത് ​വീ​ണ്ടും​ ​ഇ​ള​ക്കു​ക.​ ​ഇ​ത് ​മൂ​ന്ന് ​മി​നി​റ്റോ​ളം​ ​വീ​ണ്ടും​ ​ചൂ​ടാ​ക്ക​ണം.​ ​ര​ണ്ട് ​ചേ​രു​വ​ക​ളും​ ​ന​ന്നാ​യി​ ​മൂ​ത്തു​ക​ഴി​ഞ്ഞാ​ൽ​ ​വെ​ള്ളം​ ​ചേ​ർ​ക്കാ​തെ​ ​പി​ഴി​ഞ്ഞെ​ടു​ത്ത​ ​തേ​ങ്ങാ​പ്പാ​ൽ​ ​ഒ​ഴി​ക്കു​ക.​ ​ഇ​തി​നൊ​പ്പം​ ​ഉ​പ്പും​ ​വി​നാ​ഗി​രി​യും​ ​ചേ​ർ​ത്തി​ള​ക്കു​ക. ഇ​വ​ ​തി​ള​ച്ചു​ക​ഴി​യു​മ്പോ​ൾ​ ​ക​രി​മീ​ൻ​ ​ചേ​ർ​ക്കു​ക.​ ​തീ​ ​കു​റ​ച്ച് ​പ​തി​ന​ഞ്ച് ​മ​നി​റ്റോ​ളം​ ​അ​ട​ച്ചു​വ​ച്ച് ​വേ​വി​യ്‌​ക്കു​ക.​ ​ന​ന്നാ​യി​ ​തി​ള​ച്ചു​ ​ക​ഴി​ഞ്ഞ് ​ഒ​രു​ ​നു​ള്ള് ​ഗ​രം​ ​മ​സാ​ല​ ​ചേ​ർ​ക്കു​ക.​ ​വീ​ണ്ടും​ ​ഒ​ന്ന് ​തി​ള​പ്പി​ച്ച് ​പെ​ട്ട​ന്ന് ​തീ​യി​ൽ​ ​നി​ന്നും​ ​മാ​റ്റു​ക.