ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം പതിനെട്ട് കോടി മുപ്പത്തിനാല് ലക്ഷം കടന്നു. വേൾഡോമീറ്ററിന്‍റെ കണക്കുപ്രകാരം കഴിഞ്ഞ 24 മണിക്കൂറിനിടെ ഒന്നരലക്ഷത്തോളം പേർക്കാണ് കൊവിഡ് ബാധിച്ചത്. മരണസംഖ്യ 39.71 ലക്ഷം പിന്നിട്ടു. പതിനാറ് കോടി എഴുപത്തിയൊമ്പത് ലക്ഷം പേർ രോഗമുക്തി നേടി.

അമേരിക്കയാണ് രോഗബാധിതരുടെ എണ്ണത്തിൽ മുന്നിൽ. രാജ്യത്തെ രോഗബാധിതരുടെ എണ്ണം മൂന്നരക്കോടിയോട് അടുത്തു. മരണസംഖ്യ 6.20 ലക്ഷമായി ഉയർന്നു. നിലവിൽ 48 ലക്ഷത്തിലധികം പേർ ചികിത്സയിലുണ്ട്.

അതേസമയം, ഇന്ത്യയിൽ പ്രതിദിന കൊവിഡ് കേസുകൾ കുറയുന്നത് ആശ്വാസകരമായി തീർന്നിരിക്കുകയാണ്. ആകെ രോഗബാധിതരുടെ എണ്ണം 30,453,937 ആയി.