തിരുവനന്തപുരം: ജൂലായ് വന്നു, വാക്സിൻ എത്തിയില്ലെന്ന കോൺഗ്രസ് നേതാവ് രാഹുൽ ഗാന്ധിയുടെ വിമർശനത്തിന് മറുപടി നൽകി കേന്ദ്ര ആരോഗ്യമന്ത്രി ഡോ. ഹർഷ് വർദ്ധൻ. അഹങ്കാരത്തിന്റെയും അജ്ഞതയുടെയും വെെറസിന് വാക്സിൻ ഇല്ല. ഇന്ത്യൻ നാഷണൽ കോൺഗ്രസ് ഒരു നേതൃത്വ പരിശോധനയെക്കുറിച്ച് ചിന്തിക്കണമെന്നും അദ്ദേഹം ട്വിറ്ററിൽ കുറിച്ചു.
ജൂലായ് മാസത്തെ വാക്സിൻ ലഭ്യതയെക്കുറിച്ചുളള വസ്തുതകൾ ഞാൻ ഇന്നലെ പുറത്ത് വിട്ടിരുന്നു. എന്താണ് രാഹുലിന്റെ പ്രശ്നം? അദ്ദേഹം ഇതൊന്നും വായ്ക്കുന്നില്ലേ, മനസിലാകുന്നില്ലേ? അഹങ്കാരത്തിന്റെയും അജ്ഞതയുടെയും വൈറസിന് വാക്സിൻ ഇല്ല!! കോൺഗ്രസ് ഒരു നേതൃത്വ പരിശോധനയെക്കുറിച്ച് ചിന്തിക്കണമെന്നും ഹർഷ് വർദ്ധൻ രാഹുലിന് നൽകിയ മറുപടിയിൽ പറയുന്നു.
Just yesterday, I put out facts on vaccine availability for the month of July.
— Dr Harsh Vardhan (@drharshvardhan) July 2, 2021
What is @RahulGandhi Ji’s problem ?Does he not read ?
Does he not understand ?
There is no vaccine for the virus of arrogance and ignorance !!@INCIndia must think of a leadership overhaul ! https://t.co/jFX60jM15w
അതേസമയം, രാഹുൽ ഗാന്ധിയെ പരിഹസിച്ച് ബി.ജെ.പിയും രംഗത്തെത്തി. 51 വയസ് കഴിഞ്ഞെങ്കിലും പക്വതയും വിവേകവും ഉത്തരവാദിത്തവും കോൺഗ്രസ് നേതാവിന് കോൺഗ്രസ് നേതാവിന് ലഭിക്കാത്തത് എന്തുകൊണ്ടാരണെന്ന് ആളുകൾ ചോദിക്കാറുണ്ടെന്ന് ബി.ജെ.പി പരിഹസിച്ചു. ജൂലായ് ഒന്നിന് 41.60 ലക്ഷം കൊവിഡ് വാക്സിൻ ഡോസുകൾ നൽകിയതായും ബി.ജെ.പി വക്താവ് ഗൗരവ് ഭാട്ടിയ വാർത്താ സമ്മേളനത്തിൽ ചൂണ്ടിക്കാട്ടി.