ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം കുത്തനെ ഉയരുന്നു. വേൾഡോമീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ 3.72 ലക്ഷം പേർക്കാണ് വൈറസ് ബാധ സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം പതിനെട്ട് കോടി നാൽപത്തിരണ്ട് ലക്ഷം കടന്നു.മരണസംഖ്യ 39.86 ലക്ഷമായി ഉയർന്നു.പതിനാറ് കോടി എൺപത്തിയഞ്ച് ലക്ഷം പേർ രോഗമുക്തി നേടി.

ബ്രസീലിലാണ് ഇന്നലെ ഏറ്റവും കൂടുതൽ പേർക്ക് കൊവിഡ് സ്ഥിരീകരിച്ചത്. കഴിഞ്ഞ ഇരുപത്തിനാല് മണിക്കൂറിനിടെ രാജ്യത്ത് അരലക്ഷത്തിലധികം കേസുകളാണ് റിപ്പോർട്ട് ചെയ്തത്. ഇതോടെ ആകെ രോഗബാധിതരുടെ എണ്ണം ഒരു കോടി എൺപത്തിയേഴ് ലക്ഷം പിന്നിട്ടു.5.23 ലക്ഷം പേർ മരിച്ചു.

ഇന്ത്യയിൽ കഴിഞ്ഞ ദിവസം 44,111 പേർക്കാണ് കൊവിഡ് സ്ഥിരീകരിച്ചത്. നിലവിൽ 4.95 ലക്ഷം പേരാണ് ചികിത്സയിലുള്ളത്. മരണസംഖ്യ നാല് ലക്ഷം കടന്നു. രാജ്യത്ത് ഇതുവരെ നൽകിയ ആകെ വാക്‌സിൻ ഡോസുകളുടെ എണ്ണം 35 കോടി പിന്നിട്ടു.