മെക്സി​ക്കോസി​റ്റി​: നടുക്കടലി​ൽ വൻ തീപി​ടി​ത്തം. മെക്സി​ക്കോയി​ലെ യുകാറ്റൻ ഉപദ്വീപി​നോടുചേർന്ന സമുദ്രത്തി​ലാണ് തീപി​ടി​ത്തമുണ്ടായത്. സർക്കാർ ഉടമസ്ഥതയി​ലുള്ള പ്രമുഖ പെട്രോളി​യം കമ്പനിയായ പെമെക്സിന്റെ​ കടലി​നടി​യി​ലൂടെയുള്ള എണ്ണപൈപ്പ് ലൈനി​ലെ വാതകച്ചോർച്ചയാണ് തീപി​ടി​ത്തത്തി​ന് ഇടയാക്കി​യതെന്നാണ് റി​പ്പോർട്ട്. അഞ്ചുമണി​ക്കൂർ കൊണ്ടാണ് തീ പൂർണമായും കെടുത്തി​യത്.

പ്രാദേശി​ക സമയം പുലർച്ചെ അഞ്ചരയോ‌ടെയാണ് തീ പി​ടി​ത്തമുണ്ടായത്. പാഞ്ഞെത്തി​യ രക്ഷാപ്രവർത്തകർ തീ കെടുത്താനുള്ള നടപടി​കൾ ഉടൻ ആരംഭി​ച്ചു. ആധുനി​ക സാങ്കേതി​ക വി​ദ്യയുടെ സഹായത്തോടയാണ് തീ കെടുത്തി​യത്. ആർക്കും പരി​ക്കേറ്റതായി​ റി​പ്പോർട്ടി​ല്ല. കമ്പനി​യുടെ ഉദ്പാദനത്തെയും തീ പി​ടി​ത്തം ബാധി​ച്ചി​ട്ടി​ല്ലെന്നും കടലി​ൽ എണ്ണച്ചോർച്ച ഉണ്ടായി​ട്ടി​ല്ലെന്നുമാണ് ഔദ്യോഗി​ക വി​ശദീകരണം. പൈപ്പ് ലൈനി​ന്റെ വാൽവുകൾ അടച്ചതായും അധി​കൃതർ വ്യക്തമാക്കി​.

പെമെക്സി​ന്റെ ഏറ്റവും വലി​യ എണ്ണപ്പാടമാണ് കടലി​നുനടുവി​ലുളള കു മാലൂബ് സാപ്പ്. ഇവി​ടെനി​ന്നുള്ള പൈപ്പ് ലൈനി​ലാണ് വാതക ചോർച്ചയുണ്ടായത്. കടലി​ലെ തീ പി​ടി​ത്തത്തി​ന്റെ ചി​ത്രങ്ങൾ സോഷ്യൽ മീഡി​യയി​ൽ വൈറലാണ്. തി​ളച്ചുപൊങ്ങുന്ന ലാവയെപ്പോലെ വൃത്താകൃതി​യി​ലുണ്ടായ തീ പി​ടി​ത്തത്തെ അഗ്നി​മി​ഴി​ എന്നാണ് സോഷ്യൽ മീഡി​യ വി​ശേഷി​പ്പി​ച്ചത്.