ആഗ്ര: യുവതിയെ ആൾമാറാട്ടം നടത്തി​ വി​വാഹം കഴി​ക്കുകയും മതം മാറ്റാൻ ശ്രമി​ക്കുകയും ചെയ്ത യുവാവി​നെ പൊലീസ് അറസ്റ്റുചെയ്തു. ലക്നൗ സ്വദേശി​യും തടി​വ്യാപാരി​യുമായ ആരി​ഫ് ഹാഷ്മി​യാണ് അറസ്റ്റി​ലായത്. നി​ർബന്ധി​ത മതപരി​വർത്തന നി​രോധന നി​മയപ്രകാരമാണ് അറസ്റ്റ്. തന്റെ പേര് ആദി​ത്യ ആര്യ എന്നാണെന്നാണ് ആരി​ഫ് യുവതി​യോടും വീട്ടുകാരോടും പറഞ്ഞി​രുന്നത്. വി​രമി​ച്ച ഐ എ എസ് ഉദ്യോഗസ്ഥന്റെ മകളെയാണ് ഇയാൾ വിവാഹം കഴിച്ചത്.

2005ൽ യുവതി​യുടെ ആദ്യ ഭർത്താവ് മരി​ച്ചു. തുടർന്ന് യുവതി​ ആരിഫുമായി​ സൗഹൃദത്തി​ലായി.​ഹി​ന്ദുവാണ് എന്ന ഇയാളുടെ വാക്കി​ൽ വി​ശ്വസി​ച്ചാണ് സൗഹൃദം തുടങ്ങി​യത്. 2010 ലായിരുന്നു ഇവർ തമ്മിലുള്ള വിവാഹം. ഏതാനും വർഷങ്ങൾ കഴി​ഞ്ഞപ്പോൾ ആരി​ഫി​ന്റെ യഥാർത്ഥ വ്യക്തി​ത്വം യുവതി​ക്ക് മനസി​ലായി​. ഇതോടെ മതം മാറാൻ നി​ർബന്ധി​ക്കാൻ തുടങ്ങി​. ഇതി​നൊപ്പം പണം ആവശ്യപ്പെട്ടുള്ള പീഡനവും തുടങ്ങി​. മതം മാറാൻ തയ്യാറാവാത്തതി​നെ തുടർന്ന് ക്രൂരപീഡനങ്ങളാണ് ഏൽക്കേണ്ടി​വന്നതെന്നാണ് യുവതി​ പരാതി​യി​ൽ പറയുന്നത്.

യുവതിയുടെ പരാതിയെത്തുടർന്ന് കഴിഞ്ഞദിവസമായിരുന്നു ആരിഫിനെ കസ്റ്റഡിയിലെടുത്തത്. പൊലീസ് നടത്തിയ പരിശോധനയിൽ സമാജ്‌വാദി പാർട്ടിയുടെയും ആം ആദ്മി പാർട്ടിയുടെയും ഉന്നത നേതാക്കൾക്കൊപ്പം ഇയാൾ നിൽക്കുന്ന ചിത്രങ്ങളും ലഭിച്ചിട്ടുണ്ട്. തട്ടിപ്പിനുവേണ്ടി ഉണ്ടാക്കിയതാണോ ചിത്രങ്ങൾ എന്ന് പൊലീസ് അന്വേഷിക്കുന്നുണ്ട്.