മുംബയ്: ബോളിവുഡ് സിനിമ താരം ദിലീപ് കുമാർ(98) അന്തരിച്ചു. ന്യൂമോണിയയെത്തുടർന്ന് ചികിത്സയിലായിരുന്നു. മുംബയിലെ ഹിന്ദുജ ആശുപത്രിയിൽ രാവിലെ 7.30 ഓടെയായിരുന്നു അന്ത്യം.ദിലീപ് കുമാറിന്റെ ട്വിറ്റർ അക്കൗണ്ടിലൂടെ കുടുംബ സുഹൃത്തായ ഫൈസൽ ഫറൂഖിയാണ് മരണവിവരം അറിയിച്ചത്.
With a heavy heart and profound grief, I announce the passing away of our beloved Dilip Saab, few minutes ago.
— Dilip Kumar (@TheDilipKumar) July 7, 2021
We are from God and to Him we return. - Faisal Farooqui
ആറുപതിറ്റാണ്ടോളം ബോളിവുഡ് സിനിമകളിൽ നിറഞ്ഞു നിന്ന നടനായിരുന്നു ദിലീപ് കുമാർ. 1922ൽ പാകിസ്ഥാനിലെ പെഷാവറിലായിരുന്നു ജനിച്ചത്. യൂസഫ് ഖാന്‍ എന്നാണ് അദ്ദേഹത്തിന്റെ യഥാര്‍ത്ഥ പേര്.നടി സൈറ ബാനുവാണ് ഭാര്യ.
1944 ൽ പുറത്തിറങ്ങിയ 'ജ്വാർ ഭട്ട്' ആണ് ആദ്യ ചിത്രം. 'കില'(1998) യിലാണ് അവസാനമായി അഭിനയിച്ചത്. ദേവ്ദാസ്,ആന്ദാസ്,ആൻ,ആസാദ്,മുഗൾ ഇ അസം, ഗംഗ,ജമുന തുടങ്ങിയ ചിത്രങ്ങൾ ഏറെ ശ്രദ്ധിക്കപ്പെട്ടു.
പത്മവിഭൂഷൺ, ദാദ സാഹേബ് ഫൽക്കെ അവാർഡുകൾ നൽകി രാജ്യം ആദരിച്ചിട്ടുണ്ട്. ആദ്യമായി ഫിലിം ഫെയർ പുരസ്കാരം നേടിയ നടനായിരുന്നു ദിലീപ് കുമാർ. എട്ട് തവണ മികച്ച നടനുള്ള ഫിലിംഫെയർ പുരസ്കാരം നേടി. പാകിസ്ഥാനിലെ ഏറ്റവും വലിയ സിവിലിയന്‍ ബഹുമതിയായ നിഷാന്‍ -ഇ- ഇംതിയാസ് നല്‍കി രാജ്യം ആദരിച്ചിട്ടുണ്ട്.