തിരുവനന്തപുരം: സംസ്ഥാനത്തെ പുതിയ പൊലീസ് മേധാവി അനിൽ കാന്തിന് സ്റ്റുഡന്റ് പൊലീസ് കേഡറ്റ് തിരുവന്തപുരം സിറ്റി പൊലീസ് ആസ്ഥാനത്ത് വച്ച് ഗാർഡ് ഒഫ് ഓണർ നൽകി. എഡിജിപി ഹെഡ്ക്വാർട്ടേഴ്സ് മനോജ് എബ്രഹാം , സിറ്റി പൊലീസ് കമ്മീഷണർ ബൽറാം കുമാർ ഉപാധ്യായ, തിരുവനന്തപുരം സിറ്റി ഡെപ്യൂട്ടി പൊലീസ് കമ്മീഷണർ ഡോക്ടർ വൈഭവ് സക്സേന, എക്സൈസ് വിജിലൻസ് എസ് പി മുഹമ്മദ് ഷാഫി തുടങ്ങിയ മുതിർന്ന ഉദ്യോഗസ്ഥർ പങ്കെടുത്തു.

മെഡിക്കൽ കോളേജ് ഗവൺമെന്റ് ഹയർ സെക്കൻഡറി സ്കൂളിലെ കേഡറ്റുകൾ ആണ് ഗാർഡ് ഒഫ് ഓണർ നൽകിയത്. എസ് പി സി യുടെ ഉപഹാരങ്ങളും ചടങ്ങിൽ സമ്മാനിച്ചു. ഇതിനൊപ്പം പൊലീസ് ഉദ്യോഗസ്ഥ സമാഹരിച്ച 5 മൊബൈൽ ഫോണുകൾ ചാല ഗവൺമെന്റ് ബോയ്സ് ഹയർസെക്കൻഡറി സ്കൂളിലെ കുട്ടികൾക്ക് വേണ്ടി പ്രിൻസിപ്പൽ സംസ്ഥാന പൊലീസ് മേധാവിയിൽ നിന്നും ഏറ്റുവാങ്ങുകയും ചെയ്തു.