സംസ്ഥാനമൊട്ടാകെ യൂത്ത് കോൺഗ്രസ് ഇന്ന് നടത്തിയ പകൽപ്പന്തം പ്രതിഷേധം വേറിട്ട സമരമുറയായി. വണ്ടിപ്പെരിയാറിൽ ആറു വയസുകാരിയെ കൊലപ്പെടുത്തിയ പ്രതിയെ ഡി വൈ എഫ് ഐ സംരക്ഷിക്കുന്നുവെന്നാരോപിച്ചായിരുന്നു സംസ്ഥാനത്തെ വിവിധയിടങ്ങിൽ യൂത്ത് കോൺഗ്രസ് പ്രതിഷേധം.

ഇന്ന് 14 ജില്ലാ കേന്ദ്രങ്ങളിൽ നടന്ന സമരം നാളെ 140 നിയോജകമണ്ഡലം ആസ്ഥാനങ്ങളിലും നടക്കും. 12ന് 1000 കേന്ദ്രങ്ങളിലും പ്രതിഷേധം സംഘടിപ്പിക്കും.

​​​​വണ്ടിപ്പെരിയാറിൽ പീഡനത്തിന് ഇരയായ കുട്ടിയുടെ വീട് ഇന്ന് യൂത്ത് കോൺഗ്രസ് സംസ്ഥാന അദ്ധ്യക്ഷൻ ഷാഫി പറമ്പിൽ സന്ദർശിച്ചു.