ഹൈദരാബാദ്: തെലങ്കാനയിൽ ആദ്യഘട്ടത്തിൽ 1000 കോടി രൂപയുടെ നിക്ഷേപ പദ്ധതിയുമായി കിറ്റക്സ്. കിറ്റക്സ് മാനേജിംഗ് ഡയറക്ടർ സാബു എം. ജേക്കബുമായി നടത്തിയ ചർച്ച വിജയകരമെന്ന് തെലങ്കാന വ്യവസായ മന്ത്രി കെ.ടി. രാമ റാവു ട്വീറ്റ് ചെയ്തു. ആയിരം കോടിയുടെ പ്രാരംഭ നിക്ഷേപത്തോടെ കിറ്റക്സ് തെലങ്കാനയിൽ രംഗപ്രവേശംചെയ്യുമെന്ന് ട്വിറ്ററിലൂടെ അദ്ദേഹം പ്രഖ്യാപിച്ചു. ലോകത്തെ രണ്ടാമത്തെ ഏറ്റവും വലിയ കുട്ടികൾക്കുള്ളവസ്ത്രനിർമാതാക്കളായ കിറ്റക്സ് ഗ്രൂപ്പിന്റെ പ്രവേശനത്തിൽ സന്തോഷമുണ്ടെന്ന് അദ്ദേഹം പറഞ്ഞു.
വാറങ്കലിലുള്ള കകാതിയ മെഗാ ടെക്സ്റ്റൈൽസ് പാർക്കിൽ കിറ്റെക്സിന്റെ ഫാക്ടറികൾ സ്ഥാപിക്കും. തീരുമാനത്തിൽ കിറ്റെക്സ് എം.ഡി സാബു ജേക്കബിനെ അഭിനന്ദിക്കുന്നുവെന്നും തെലങ്കാന വ്യവസായ മന്ത്രി അറിയിച്ചു. ടെക്സ്റ്റൈൽ പ്രോജക്ടിനായി വാറങ്കലിൽ 1,000 കോടി രൂപ നിക്ഷേപിക്കാനുള്ള കരാർ സ്ഥിരീകരിക്കുന്നതായി കിറ്റെക്സ് എം.ഡി സാബു ജേക്കബ്പ്രസ്താവനയിൽ വ്യക്തമാക്കി. ഈ നിക്ഷേപം തെലങ്കാനയിൽ 4000 തൊഴിലവസരങ്ങൾ സൃഷ്ടിക്കുമെന്നും അദ്ദേഹം പറഞ്ഞു.
തെലങ്കാന സർക്കാരിന്റെ പ്രത്യേക്ഷ ക്ഷണം സ്വീകരിച്ചാണ് സാബു ജേക്കബും സംഘവും ഇന്ന് ഹൈദരാബാദിലെത്തിയത്. മന്ത്രി രാമ റാവുവിനൊപ്പം ഉച്ചഭക്ഷണം കഴിച്ച ശേഷമാണ് ചർച്ചകൾ തുടങ്ങിയത്. സംഘം നാളെ മടങ്ങും. കിറ്റെക്സ് സംഘത്തിനായി തെലങ്കാന സർക്കാർപ്രത്യേക വിമാനമയച്ചിരുന്നു. കേരളത്തിലെ പുതിയ നിക്ഷേപ പദ്ധതികളിൽ നിന്ന് പിൻമാറുന്നെന്ന്പ്രഖ്യാപിച്ചതിന് പിന്നാലെയാണ്കിറ്റെക്സിന് തെലങ്കാനയിൽ നിന്ന് ക്ഷണം ലഭിച്ചത്.
Delighted to announce the entry of KITEX group, world’s 2nd largest manufacturer of kids apparel into Telangana with an initial investment of ₹1,000 Cr
— KTR (@KTRTRS) July 9, 2021
They’ve chosen KMTP, Warangal for their factories
My gratitude to Mr. Sabu M. Jacob, MD of KITEX group on a quick decision 🙏 pic.twitter.com/CgMf67DpxN