ആ​ഡി​സ്​ അ​ബാ​ബ: എത്യോ​പ്യ​ൻ പാർലമെന്റ് തിരഞ്ഞെടുപ്പിൽ പ്ര​ധാ​ന​മ​ന്ത്രി അ​ബി അ​ഹ്​​മ​ദി​​ന്റെ പ്രോ​സ്​​പെ​രി​റ്റി പാ​ർട്ടി​ക്ക്​ വൻ വി​ജ​യം. 436ൽ 410 ​സീ​റ്റു​ക​ൾ നേടി. ജൂൺ 21നായിരുന്നു തിരഞ്ഞെടുപ്പ് നടന്നത്. മൂ​ന്നി​ട​ങ്ങ​ളിൽ തി​ര​ഞ്ഞെ​ടു​പ്പ്​ ന​ട​ന്നി​ട്ടി​ല്ല

പ്രധാന പ്ര​തി​പ​ക്ഷ​മാ​യ എ​ത്യോ​പ്യൻ സി​റ്റി​സൻ​സ് ഫോർ സോ​ഷ്യ​ൽ ജ​സ്​​റ്റി​സ് പാർട്ടി​യു​ടെ നേ​താ​വ് ബിർ ഹാ​നു നെ​ഗ പ​രാ​ജ​യ​പ്പെ​ട്ടു. പ്ര​തി​പ​ക്ഷ പാർട്ടി​ക​ളാ​യ എ​സെ​മ, നാ​ഷണൽ മൂ​വ്‌​മെന്റ് ഒ​ഫ് അം​ഹാ​ര എ​ന്നി​വ​യ്ക്ക് പ​ത്തിൽ താ​ഴെ സീ​റ്റു​കൾ മാ​ത്ര​മാ​ണ്​ ല​ഭി​ച്ച​ത്. അ​ധി​കാ​ര​മേ​റ്റ് മാ​സ​ങ്ങ​ൾ​ക്കു​ള്ളി​ൽ അ​ബി അ​ഹ്​​മ​ദ്​ പ്ര​തി​പ​ക്ഷ പാ​ർട്ടി​ക​ൾ​ക്കു​ള്ള വി​ല​ക്ക് നീ​ക്കു​ക​യും രാ​ഷ്​​ട്രീ​യ ത​ട​വു​കാ​രെ വി​ട്ട​യ​ക്കു​ക​യും എത്യോ​പ്യൻ സ​മ്പ​ദ്‌​വ്യ​വ​സ്ഥ ശ​ക്​​ത​മാ​ക്കാ​ൻ ന​ട​പ​ടി​കൾ കൈ​ക്കൊ​ള്ളു​ക​യും ചെ​യ്തി​രു​ന്നു.