ന്യൂഡൽഹി :കൊവിഡ് പ്രതിരോധത്തിലും നിയന്ത്രണത്തിലും ഉത്തർപ്രദേശിനെ പ്രശംസിച്ച് ഓസ്‌ട്രേലിയൻ എം. പി ക്രെയ്ഗ് കെല്ലി. ഓസ്ട്രേലിയയിലെ കൊവിഡ് വ്യാപനം പിടിച്ചുകെട്ടാൻ മുഖ്യമന്ത്രി യോഗി ആദിത്യനാഥിനെ വായ്പയായി നൽകുമോ എന്നും ക്രെയ്ഗ് കെല്ലി ചോദിച്ചു. കൊവിഡ് നിയന്ത്രണത്തിന് ഐവർമെക്ടിൻ മരുന്ന് യു. പി ഫലപ്രദമായി ഉപയോഗിച്ചെന്നും മരുന്ന് ഓസ്‌ട്രേലിയക്ക് നൽകുമോ എന്നും കെല്ലി ട്വീറ്റിൽ ചോദിച്ചു.

.

കൊവിഡ് രണ്ടാംതരംഗത്തിലും ജനസംഖ്യയിൽ 17 ശതമാനമുള്ള സംസ്ഥാനത്ത് ഒരു ശതമാനം മാത്രമാണ് കൊവിഡ് കേസുകൾ റിപ്പോർട്ട് ചെയ്തത്. രോഗവ്യാപനം കുറയ്ക്കാനും മരണനിരക്ക് കുറയ്ക്കാനും ഐവർമെക്ടിൻ മരുന്ന് ഉപയോഗിച്ച ആദ്യ സംസ്ഥാനമാണ് ഉത്തർപ്രദേശെന്ന് സർക്കാർ അവകാശപ്പെട്ടിരുന്നു. കൊവിഡ് രോഗികളുമായി സമ്പർക്കത്തിലേർപ്പെട്ടവർക്കാണ് ഐവർമെക്ടിൻ മരുന്ന് വിതരണം ചെയ്തത്. നേരത്തെ ലോകാരോഗ്യ സംഘടയും ഉത്തർപ്രദേശ് സർക്കാരിനെ അഭിനന്ദിച്ച് രംഗത്തെത്തിയിരുന്നു.

The Indian state of Uttar Pradesh 👏🏼👏🏼👏🏼👏🏼

Any chance they could loan us their Chief Minister Yogi Adityanath to release the Ivermectin sort out the mess our hopelessly incompetent State Premiers have created
 https://t.co/H6xUwUe8GU

— Craig Kelly MP (@CraigKellyMP) July 10, 2021

ഓസ്‌ട്രേലിയയിൽ 31,000 പേർക്കാണ് രോഗം റിപ്പോർട്ട് ചെയ്തത്. 589 ആക്ടീവ് കേസുകളാണ് നിലവിലുള്ളത്. 910 പേർ ഇതുവരെ മരിച്ചു. ഉത്തർപ്രദേശിൽ കൊവിഡ് കേസുകൾ കുറഞ്ഞുവരികയാണ്. ശനിയാഴ്ച 100 പേരാണ് മരിച്ചത്. കൊവിഡ് കേസുകൾ കുറഞ്ഞതിനെ തുടർന്ന് സംസ്ഥാനത്തെ നിയന്ത്രണങ്ങളിൽ ഇളവ് വരുത്തിയിരുന്നു. .