കഴിഞ്ഞ ദിവസമായിരുന്നു നടൻ വിജയ്‌ക്കെതിരെ കോടതി ഒരു ലക്ഷം രൂപ പിഴ ചുമത്തിയത്. ഇംഗ്ലണ്ടില്‍ നിന്ന് 2012 ല്‍ ഇറക്കുമതി ചെയ്‌ത റോള്‍സ് റോയ്‌സ് ഗോസ്റ്റ് കാറിനാണ് ഇറക്കുമതി തീരുവയിൽ ഇളവ് തേടി വിജയ് കോടതിയെ സമീപിച്ചത്. ഇതു തള്ളിയ ജസ്റ്റിസ് എസ് എം സുബ്രഹ്മണ്യന്‍ നടനെ വിമര്‍ശിക്കുകയായിരുന്നു. നികുതി കൃത്യമായി അടച്ച് ആരാധക ലക്ഷങ്ങൾക്ക് മാതൃകയാകണമെന്ന് നടനോട് കോടതി പറഞ്ഞു.

ഇപ്പോഴിതാ സംഭവത്തിൽ പ്രതികരണവുമായി ട്വിറ്ററിലൂടെ രംഗത്തെത്തിയിരിക്കുകയാണ് നടി കസ്തൂരി ശങ്കർ.
'ഇതാണ് വാർത്തകൾക്ക് ആധാരമായ വിജയ്‌യുടെ റോൾസ് റോയ്‌സ് ഗോസ്റ്റ് വണ്ടി. 2013ൽ എട്ട് കോടി രൂപ ചിലവഴിച്ച്, 1.6 കോടി നികുതിയും നൽകിയാണ് താരം കാർ വാങ്ങിയത്. ഇതേ വണ്ടിയുടെ പേരിൽ മദ്രാസ് ഹൈക്കോടതി അദ്ദേഹത്തെ രൂക്ഷമായി വിമർശിച്ചിരിക്കുന്നു. മുഖ്യമന്ത്രിയുടെ ഫണ്ടിലേയ്ക്ക് ഒരു ലക്ഷം രൂപ നൽകാനും ആവശ്യപ്പെട്ടു.'-നടി ട്വീറ്റ് ചെയ്തു.

This is Vijay's RollsRoyce Ghost that is making headlines today. Purchased in 2013 for over 8 cr, attracting entry tax of approx 1.6 cr, which the actor had challenged. He was chastised strongly by Madras HC for attempted tax evasion & asked to pay 1 lakh to TN CM covid fund. pic.twitter.com/hl3s0zUw9I

— Kasturi Shankar (@KasthuriShankar) July 13, 2021

വിജയ് അഭിനയിക്കുന്ന ചിത്രങ്ങളെല്ലാം അഴിമതിക്ക് എതിരെയുള്ളതാണ്. അത്തരം വേഷങ്ങളിലൂടെയാണ് ആരാധകരുണ്ടായതും. ടാക്‌സ് വെട്ടിപ്പ് നടത്തിയത് ഒരിക്കലും അംഗീകരിക്കാൻ കഴിയുന്ന ഒന്നല്ല. തന്റെ സിനിമ കാണാൻ ടിക്കറ്റ് എടുക്കുന്ന ലക്ഷക്കണക്കിന് ആരാധകരെ വിജയ് ഓർക്കണമായിരുന്നു. അവർ ടിക്കറ്റ് എടുക്കുന്നതുകൊണ്ടും സിനിമ കാണുന്നതുകൊണ്ടുമാണ് താരത്തിന് ആഡംബര കാർ സ്വന്തമാക്കാൻ കഴിഞ്ഞതെന്ന് ഓർക്കാമായിരുന്നു.- മറ്റൊരു ട്വീറ്റിൽ താരം പറഞ്ഞു.