പ്രി​യ​പ്പെ​ട്ട​ ​പെ​ൺ​കു​ട്ടീ

എ​നി​ക്കു​ ​നി​ന്റെ
നു​ണ​ക്കു​ഴി​ ​തൊ​ട്ട​ ​ക​വി​ള​ത്ത്
ഉ​മ്മ​ ​വ​യ്ക്കാ​ൻ​ ​തോ​ന്നു​ന്നു​.
മ​ക​ളേ​ ​എ​ന്നു​ ​വി​ളി​ച്ച്
വീ​ട്ടി​ലേ​ക്ക്
കൂ​ട്ടി​ക്കൊ​ണ്ട​പോ​രാ​ൻ​ ​തോ​ന്നു​ന്നു.

അ​വൾ കൗ​തു​ക​ങ്ങ​ളിൽ
ക​ൺ​ ​തൊ​ട്ടു​ ​നി​ൽ​ക്കു​ന്ന
സ്‌​നേ​ഹ​ക്കു​റു​മ്പി.
ആ​തു​ര​സേ​വ​ന​ ​സ്വ​പ്നം
നെ​ഞ്ചേ​റ്റി​യ​ ​വി​സ്മ​യ​മാ​ലാ​ഖ.
വ​ര​ണ​മാ​ല്യ​ത്തി​നു​ ​പ​ക​രം
മ​ര​ണ​മാ​ല്യ​മ​ണി​യി​ക്ക​പ്പെ​ട്ട
ചി​ത്ര​ശ​ല​ഭം.
ക​ല്യാ​ണ​ ​പ​ന്ത​ലി​ൽ​ ​നി​ന്ന്
ക​ണ്ണീ​ർ​ക്ക​യ​ത്തി​ലേ​ക്ക്
കാ​ലെ​ടു​ത്തു​ ​വ​യ്ക്കു​ന്ന
പെ​ൺ​ജീ​വി​തം.
അ​വ​ളെ​ക്കാ​ൾ​ ​വ​ലി​യ​ ​ധ​നം
വേ​റൊ​ന്നു​മി​ല്ലെ​ന്ന്
അ​വ​നെ​ന്നാ​ണ് ​തി​രി​ച്ച​റി​യു​ക​ ?
സ്‌​നേ​ഹ​ത്താൽ ചേ​ർ​ത്തു​ ​
പി​ടി​ക്കാ​നാ​വു​ന്നി​ല്ലെ​ങ്കിൽ
വെ​റു​തെ​ ​വി​ട്ടേ​ക്കു​ക..
ജീ​വി​ച്ചു​ ​പൊ​യ്‌​ക്കോ​ട്ടെ..
നി​ലാ​വും​ ​ക​ട​ലും
ഒ​ന്നു​ ​ക​ണ്ണു​ ​ചി​മ്മ​മ്പോ​ഴേ
മാ​ഞ്ഞു​ ​പോ​വു​ക​യി​ല്ല.

ഇ​രു​മ്പു​ ​ച​ക്ര​ങ്ങ​ൾ​ ​പി​ടി​പ്പി​ച്ച്
തോ​ന്നു​ന്നി​ട​ത്തേ​ക്കു
വ​ള​യം​ ​തി​രി​ക്കാ​വു​ന്ന​ത​ല്ല
ജീ​വി​തം.
ധ​ന​മോ​ഹ​ത്തി​ന്റെ​ ​വ​ഴി​ ​വ​ക്കിൽ
തു​മ്പ​ക്കു​രു​ന്നു​ ​പോ​ലും​ ​മു​ള​യ്ക്കി​ല്ല.
പൊ​ന്നും​ ​പ​ണ​വും​ ​കൊ​ണ്ട്
ര​ണ്ടു​ ​മ​നു​ഷ്യ​രെ​ ​എ​ങ്ങ​നെ
ഒ​ട്ടി​ച്ചു​ ​ചേ​ർ​ത്ത്
ഒ​ന്നാ​ക്കും?
അ​ഗാ​ധ​ ​സ്‌​നേ​ഹ​ത്തി​ന്റെ
വ​ജ്ര​പ്പ​ശ​യാ​ലാ​ണ്

ര​ണ്ടു​ ​ഹൃ​ദ​യ​ങ്ങൾ
ഒ​ന്നി​ച്ചൊ​റ്റ​യാ​കേ​ണ്ട​ത്
ഇ​തേ​വ​രെ​ ​ന​മ്മൾ
ഉ​റ​ങ്ങു​ക​യാ​യി​രു​ന്നു
ക​ണ്ണ​ട​ച്ച് ​ഇ​രു​ട്ടു​ ​
നി​ർ​മ്മി​ക്കു​ക​യാ​യി​രു​ന്നു.
ശ​ബ്ദ​മു​യ​ർ​ത്തേ​ണ്ട​യി​ട​ങ്ങ​ളിൽ
വാ​യ​പൂ​ട്ടി​ ​വെ​റു​തെ
നോ​ക്കി​ ​നി​ൽ​ക്കു​ക​യാ​യി​രു​ന്നു.
അ​ട​ച്ചു​ ​വ​ച്ച​ ​ക​ണ്ണു​ക​ളെ
തി​ടു​ക്ക​പ്പെ​ട്ട് ​തു​റ​ക്കേ​ണ്ട​തു​ണ്ട്.
രൂ​പ​വും​ ​വേ​ഷ​വും​ ​മാ​റ്റു​ന്ന
പൊ​യ്മു​ഖ​ങ്ങ​ളെ​ ​
തി​രി​ച്ച​റി​യേ​ണ്ട​തു​ണ്ട് .
'​സ്ത്രീ​" ​എ​ന്ന​ ​അ​ഭി​മാ​ന​ത്തി​ന്റെ​ ​
ന​യ​ന​ങ്ങൾ ആ​കാ​ശ​ത്തേ​ക്ക് ​
തു​റ​ന്നു​ ​വ​യ്‌​ക്കേ​ണ്ട​തു​ണ്ട്.

ജീ​വി​ച്ചു​ ​തു​ട​ങ്ങും​ ​മു​ൻ​പേ
ദു​ര​ക്കൈ​കൾ
മാ​യ്ച്ചു​ ​ക​ള​ഞ്ഞ
പ്രി​യ​പ്പെ​ട്ട​ ​പെ​ൺ​കു​ട്ടീ..
ചി​രി​ ​തു​ടു​പ്പി​ച്ച
നി​ന്റെ​ ​ചി​ത്ര​ങ്ങ​ളെ​ ​ഞാൻ
നോ​ക്കി​ക്കൊ​ണ്ടി​രി​ക്കു​ന്നു
നീ​ ​സ​ഞ്ച​രി​ക്കേ​ണ്ടി​യി​രു​ന്ന​ ​ദൂ​രം
മ​ന​സ്സു​കൊ​ണ്ട​ള​ക്കു​ന്നു​.
ഉ​ള്ളി​ലും​ ​പു​റ​ത്തും
നീ​ ​ഏ​റ്റു​വാ​ങ്ങിയ
യാ​ത​ന​ക​ളി​ൽ​ ​നെ​ഞ്ചു​രു​ക്കു​ന്നു​.

ക​ണ്ണീ​രി​ന്റെ​ ​ന​ന​വു​ ​തൊ​ട്ട
കാ​റ്റു​ ​വീ​ശു​ന്നു.
അ​മ​ർ​ത്തി​ ​വ​ച്ച​ ​
ഒ​രു​ ​തേ​ങ്ങ​ൽ​ ​പി​ട​യു​ന്നു
പൂ​ക്ക​ൾ​ ​വി​ത​റിയ
മ​ൺ​കൂ​ന​യ്ക്കു​ ​മേൽ
സ്വ​ന്തം​ ​പേ​രെ​ഴു​തിയ
ഒ​രു​ സ്‌റ്റെത​സ്‌​ക്കോ​പ്പ്
അ​നാ​ഥ​മാ​കു​ന്നു​.
ന​ക്ഷ​ത്ര​ക്ക​ണ്ണു​ക​ളി​ൽ​ ​നി​ന്നും​ ​
ഒ​ഴു​കി നു​ണ​ക്കു​ഴി​യി​ൽ​ ​
ത​ളം​ ​കെ​ട്ടി​യ​ ​നി​ന്റെ
തി​ള​ച്ച​ ​ക​ണ്ണു​നീ​രി​നോ​ട്
ഞാ​ൻ​ ​മാ​പ്പു​ ​ചോ​ദി​ക്കു​ന്നു