എന്റെ മാവും പൂക്കും എന്ന ചിത്രത്തിലെ ഗാനം സോഷ്യൽ മീഡിയയിൽ വൈറലാകുന്നു.ഇന്ത്യൻ പനോരമയിലും ഗോവ ചലച്ചിത്ര മേളയിലും പ്രദർശിപ്പിക്കപ്പെട്ട ' മക്കന' യ്ക്കു ശേഷം റഹീം ഖാദർ രചനയും സംവിധാനവും നിർവ്വഹിക്കുന്ന ചിത്രമാണിത്. സിനിമയിലെ ' നീഹാരമണിയുന്ന .....' എന്ന ഗാനമാണ് സമൂഹമാദ്ധ്യമങ്ങളിൽ ശ്രദ്ധനേടുന്നത്.
ശ്വേത മോഹൻ ആലപിച്ച ഗാനത്തിന്റെ രചന ശിവദാസ് തത്തംപ്പിള്ളിയും, സംഗീതം ജോർജ് നിർമ്മലുമാണ് നിർവ്വഹിച്ചിരിക്കുന്നത്. സത്യം വീഡിയോസ് ആണ് ഗാനം പുറത്തിറക്കിയിരിക്കുന്നത്. സിനിമയിൽ അഖിൽ പ്രഭാകർ, നവാസ് വള്ളിക്കുന്ന്, ഭീമൻ രഘു, ശിവജി ഗുരുവായൂർ, ശ്രീജിത്ത് സത്യരാജ്, സാലൂ കൂറ്റനാട്, ചേലമറ്റം ഖാദർ, മീനാക്ഷി മധു രാഘവ്, സീമാ ജി നായർ, സിമർസിംഗ്, ആര്യദേവി, കലാമണ്ഡലം തീർത്ഥ എന്നിവർ അഭിനയിക്കുന്നു.
ബാനർ എസ് ആർ എസ് ക്രിയേഷൻസിന്റെ ബാനറിൽ എസ് ആർ സിദ്ധിഖ്,സലീം എലവുംകുടി എന്നിവരാണ് സിനിമ നിർമിച്ചിരിക്കുന്നത്. ഛായാഗ്രഹണം: ടി ഷമീർ മുഹമ്മദ്, എഡിറ്റിംഗ് : മെന്റോസ് ആന്റണി, ഗാനരചന: ശിവദാസ് തത്തംപ്പിള്ളി, സംഗീതം: ജോർജ് നിർമ്മൽ , ആലാപനം: വിജയ് യേശുദാസ് , ശ്വേത മോഹൻ,പശ്ചാത്തല സംഗീതം: ജുബൈർ മുഹമ്മദ്, പ്രൊഡക്ഷൻ കൺട്രോളർ: ഷറഫ് കരുപ്പടന്ന, കല: മിൽട്ടൺ തോമസ്, ചമയം: ബിബിൻ തൊടുപുഴ , കോസ്റ്റിയും: മെൽവിൻ ജെ, പ്രൊഡക്ഷൻ എക്‌സിക്യൂട്ടീവ് :സജീവ് അർജുനൻ, സഹസംവിധാനം: വഹീദാ അറയ്ക്കൽ, ഡിസൈൻസ്:സജീഷ് എം ഡിസൈൻസ്, മ്യൂസിക് മാർക്കറ്റിംഗ്: സത്യം വീഡിയോസ് & ഓഡിയോസ്, സ്റ്റിൽസ് :അജേഷ് ആവണി , ലെയ്‌സൺ ഓഫീസർ: മിയ അഷ്‌റഫ്, ഫിനാൻസ് മാനേജർ: സജീവൻ കൊമ്പനാട്, പി ആർ ഒ:അജയ് തുണ്ടത്തിൽ.