തിരുവനന്തപുരം: സംസ്ഥാനത്തെ ലോക്ക്ഡൗൺ സാഹചര്യം വിലയിരുത്താൻ മുഖ്യമന്ത്രിയുടെ നേതൃത്വത്തിൽ നടക്കുന്ന അവലോകന യോഗം തുടങ്ങി. വിദഗ്ദ്ധ സമിതിയംഗങ്ങളും മുഖ്യമന്ത്രിയും പങ്കെടുക്കുന്ന യോഗത്തിൽ വ്യാപന സാഹചര്യം വിലയിരുത്തിയാകും കൂടുതൽ ഇളവുകളുടെ കാര്യത്തിൽ തീരുമാനമെടുക്കുക.
കടകൾ എല്ലാ ദിവസവും തുറക്കണമെന്ന ആവശ്യവും, ടി പി ആർ മാനദണ്ഡം അശാസ്ത്രീയമാണെന്ന വിമർശനവും യോഗം പരിശോധിക്കും. ഓണം കണക്കിലെടുത്ത് പെരുന്നാളിന് ശേഷം നൽകേണ്ട ഇളവുകളിലും ഇന്ന് തീരുമാനം ഉണ്ടായേക്കും. വ്യാപനം കുറയാത്ത സാഹചര്യത്തിൽ വലിയ ഇളവുകൾക്ക് സാദ്ധ്യതയില്ല.
ലോക്ക്ഡൗണിൽ സമഗ്രമായ പുനപരിശോധനക്ക് സർക്കാർ മുതിരില്ലെന്നാണ് വിവരം. പെരുന്നാൾ കണക്കിലെടുത്ത് ഞായറാഴ്‌ചയാണെങ്കിലും നാളെ കടകൾക്ക് തുറക്കാൻ അനുമതി നൽകിയിട്ടുണ്ട്. തിങ്കളാഴ്‌ച വീണ്ടും അവലോകന യോഗം ചേരാൻ സർക്കാർ തീരുമാനിച്ചിട്ടുണ്ട്.