ഇന്ത്യൻ മുൻ ക്രിക്കറ്റ് താരം ശ്രീശാന്ത് നായകനാകുന്ന ചിത്രത്തിൽ നായികയായി സണ്ണി ലിയോൺ. ആർ രാധാകൃഷ്ണൻ സംവിധാനം ചെയ്യുന്ന പട്ടാ എന്ന ബോളിവുഡ് ചിത്രത്തിലാണ് ഇരുവരും ഒന്നിക്കുന്നത്.

ഒരു സിബിഐ ഓഫീസറിന്റെ വേഷത്തിലാണ് ചിത്രത്തിൽ ശ്രീശാന്ത് എത്തുന്നത്. ഓഫീസർ കഥാപാത്രത്തിന്റെ അന്വേഷണം ചെന്നെത്തുന്നത് ഒരു സ്ത്രീയിലാണ്. ആ കഥാപാത്രം അവതരിപ്പിക്കാൻ വളരെ ശക്തയായ ഒരു സ്ത്രീ തന്നെ വേണം. അതിന് സണ്ണി ലിയോണായിരിക്കും മികച്ച നടി സംവിധായകൻ ആർ രാധാകൃഷ്ണൻ ഒരു ദേശീയ മാദ്ധ്യമത്തോട് പറഞ്ഞു.

എൻ.എൻ.ജി ഫിലിംസിന്റെ ബാനറിൽ നിരുപ് ഗുപ്തയാണ് ചിത്രം നിർമിക്കുന്നത്. ആക്ഷനും സംഗീതത്തിനും പ്രാധാന്യമുളള ഒരു പൊളിറ്റിക്കൽ ത്രില്ലറാണ് പട്ടാ. ശ്രീശാന്തിനും സണ്ണി ലിയോണിനുമൊപ്പം ബോളിവുഡിലെ പ്രമുഖ താരങ്ങളും അഭിനയിക്കുന്നു.

ഛായാഗ്രഹണം പ്രകാശ് കുട്ടി, എഡിറ്റിംഗ് സുരേഷ് യു.ആർ.എസ്, സംഗീതം സുരേഷ് പീറ്റേഴ്‌സ്, സ്‌പോട്ട് എഡിറ്റിംഗ് രതിൻ രാധാകൃഷ്ണൻ, കോറിയോഗ്രാഫി ശ്രീധർ, കലസജയ് മാധവൻ, ഡിസൈൻസ് ഷബീർ, പി ആർ ഓ അജയ് തുണ്ടത്തിൽ.