ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം പത്തൊൻപത് കോടി എഴുപത്തിയൊൻപത് ലക്ഷം പിന്നിട്ടു.വേൾഡോമീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ ആറ് ലക്ഷത്തിലധികം കേസുകളാണ് റിപ്പോർട്ട് ചെയ്തത്. മരണസംഖ്യ 42.23 ലക്ഷം കടന്നു. പതിനേഴ് കോടി എൺപത്തിയെട്ട് ലക്ഷം പേർ രോഗമുക്തി നേടി.

ഇന്നലെ ഏറ്റവും കൂടുതൽ കൊവിഡ് കേസുകൾ അമേരിക്കയിലാണ് റിപ്പോർട്ട് ചെയ്തത്. ഒരു ലക്ഷത്തിനടുത്ത് കേസുകളാണ് ഇരുപത്തിനാല് മണിക്കൂറിനിടെ റിപ്പോർട്ട് ചെയ്തത്. ഇതോടെ ആകെ രോഗബാധിതരുടെ എണ്ണം മൂന്ന് കോടി അൻപത്തിയാറ് ലക്ഷമായി ഉയർന്നു.6.28 ലക്ഷം പേർ മരിച്ചു.രണ്ട് കോടി തൊണ്ണൂറ്റിയാറ് ലക്ഷം പേർ രോഗമുക്തി നേടി.

ഇന്ത്യയിൽ മൂന്ന് കോടി പതിനാറ് ലക്ഷം രോഗബാധിതരാണ് ഉള്ളത്. കഴിഞ്ഞ ദിവസവും നാൽപതിനായിരത്തിലധികം പേർക്കാണ് വൈറസ് ബാധ സ്ഥിരീകരിച്ചത്. 4.23 ലക്ഷം പേർ മരിച്ചു. 3.07 കോടി പേർ രോഗമുക്തി നേടി. 4,05,155 പേരാണ് നിലവിൽ ചികിത്സയിലുള്ളത്.