പൊ​ന്നാ​നി: മ​ത്സ്യത്തൊ​ഴി​ലാ​ളി​കൾ​ക്കു​ള്ള പൊ​ന്നാ​നി ഹാർ​ബ​റി​ലെ പാർ​പ്പി​ട സ​മു​ച്ച​യ​ത്തി​ന്റെ താ​ക്കോൽ​ദാ​നം അ​ടു​ത്ത മാ​സം 25ന് ന​ട​ക്കാ​നി​രി​ക്കെ വൈ​ദ്യു​തി​യും കു​ടി​വെ​ള്ള​വും ഉ​റ​പ്പാ​ക്കു​ന്ന​തിൽ ഉ​ദ്യോ​ഗ​സ്ഥർ​ക്ക് ഇ​പ്പോ​ഴും അ​ലം​ബാ​വ​മെ​ന്ന് ആ​ക്ഷേ​പം. ക​ഴി​ഞ്ഞ മാ​സം 16ന് ഫി​ഷ​റീ​സ് മ​ന്ത്രി സ​ജി ചെ​റി​യാൻ പ​ദ്ധ​തി പ്ര​ദേ​ശം സ​ന്ദർ​ശി​ച്ച് ഇ​ക്കാ​ര്യ​ത്തിൽ കർ​ശ​ന നിർ​ദ്ദേ​ശ​ങ്ങൾ നൽ​കി​യി​രു​ന്നു. ഒ​ന്ന​ര മാ​സം പി​ന്നി​ടു​മ്പോൾ പ​ദ്ധ​തി സം​ബ​ന്ധി​ച്ച അ​വ​ലോ​ക​ന യോ​ഗ​ത്തി​ലും തൃ​പ്​തി​ക​ര​മാ​യ പു​രോ​ഗ​തി റി​പ്പോർ​ട്ട് വയ്​ക്കാൻ ബ​ന്ധ​പ്പെ​ട്ട ഉ​ദ്യോ​ഗ​സ്ഥർ​ക്കാ​യി​ല്ല.

മ​ത്സ്യ​ത്തൊ​ഴി​ലാ​ളി​കൾ ഫ്​ളാ​റ്റി​ലേ​ക്ക് മാ​റു​മ്പോൾ കു​ടി​വെ​ള്ള​വും വൈ​ദ്യു​തി​യും ഉൾ​പ്പെ​ടെ ഒ​ന്നി​നും ബു​ദ്ധി​മു​ട്ട്​ വ​ര​രു​തെ​ന്നാ​ണ് മ​ന്ത്രി​യു​ടെ നിർ​ദ്ദേ​ശ​മു​ണ്ടാ​യി​രു​ന്ന​ത്. ശു​ദ്ധ​ജലമെത്തിക്കുന്നതിന് നിർ​മ്മാ​ണ ചു​മ​ത​ല​യു​ള്ള ഊ​രാ​ളു​ങ്കൽ ലേ​ബർ കോൺ​ട്രാ​ക്ട്​ സൊ​സൈ​റ്റി​യെ ചു​മ​ത​ല​പ്പെ​ടു​ത്തി​യി​രു​ന്നു. 60 ല​ക്ഷം രൂ​പ​യും അ​നു​വ​ദി​ച്ചു. മുൻ നി​യ​മ​സ​ഭ സ്​പീ​ക്കർ പി. ശ്രീ​രാ​മ​കൃ​ഷ്​ണ​ന്റെ ആ​സ്​തി വി​ക​സ​ന ഫ​ണ്ടിൽ നി​ന്നും അ​നു​വ​ദി​ച്ച 99 ല​ക്ഷം രൂ​പ ഉ​പ​യോ​ഗി​ച്ച് പാർ​പ്പി​ട സ​മു​ച്ച​യ​ത്തിൽ ഓ​രോ​ന്നി​ലും ടൈൽ വി​രി​ക്കാ​നും തീ​രു​മാ​നി​ച്ചി​രു​ന്നു. ഉ​ദ്​ഘാ​ട​ന​ത്തി​ന് മുൻ​പാ​യി വൈ​ദ്യു​തി, വെ​ള്ളം, ടൈൽ വി​രി​പ്പ് എ​ന്നി​വ പൂർ​ണാർ​ത്ഥ​ത്തിൽ പൂർ​ത്തീ​ക​രി​ക്കു​മെ​ന്ന ഉ​റ​പ്പു വ​രു​ത്താ​നാ​യി ക​ഴി​ഞ്ഞ ദി​വ​സം ചേർ​ന്ന അ​വ​ലോ​ക​ന യോ​ഗം വ്യ​ക്ത​മാ​യ ഉ​റ​പ്പി​ല്ലാ​തെ​യാ​ണ് പി​രി​ഞ്ഞ​ത്.

കു​ടി​വെ​ള്ള വി​ത​ര​ണ കാ​ര്യ​ത്തിൽ ന​ട​പ​ടി ആ​യി​ല്ലെ​ന്ന ഉ​ദ്യോ​ഗ​സ്ഥ​രു​ടെ വി​ശ​ദീ​ക​ര​ണ​ത്തെ പ​ദ്ധ​തി പ്ര​ദേ​ശം സ​ന്ദർ​ശി​ച്ച ഘ​ട്ട​ത്തിൽ മ​ന്ത്രി രൂ​ക്ഷ​മാ​യാ​ണ് വി​മർ​ശി​ച്ച​ത്. അടിസ്ഥാന സൗകര്യങ്ങളൊരുക്കാതെ അ​ഞ്ഞൂ​റോ​ളം പേർ​ക്ക് താ​മ​സി​ക്കാ​വു​ന്ന ഭ​വ​ന സ​മു​ച്ച​യം കൈ​മാ​റി​യാൽ അ​വർ ജ​ന​പ്ര​തി​നി​ധി​ക​ളെ​യും ഉ​ദ്യോ​ഗ​സ്ഥ​രെയും കൈ​കാ​ര്യം ചെ​യ്യു​​മെ​ന്ന മു​ന്ന​റി​യി​പ്പും മ​ന്ത്രി നൽ​കി​യിരുന്നു.

കൂടുതൽ സൗകര്യമൊരുക്കും

• പ്ര​വൃ​ത്തി അ​വ​സാ​ന​ഘ​ട്ട​ത്തി​ലാ​യ സ​മു​ച്ച​യ​ത്തി​ലേ​ക്ക് 128 മ​ത്സ്യത്തൊ​ഴി​ലാ​ളി കു​ടും​ബ​ങ്ങ​ളാ​ണ് മാ​റി താ​മ​സി​ക്കു​ക.
• പൊ​ന്നാ​നി ഹാർ​ബ​റിൽ ര​ണ്ടേ​ക്കർ സ്ഥ​ല​ത്ത് 16 ബ്ലോ​ക്കാ​യാ​ണ്​ നിർ​മ്മാ​ണം.
• ഇ​രു​നി​ല​കളിലു​മാ​യി ഒ​രു ബ്ലോ​ക്കിൽ എ​ട്ട്​ വീ​ടു​ക​ളു​ണ്ടാ​വും.
• 12.8 കോ​ടി​യാ​ണ് ചെ​ല​വ്.
• ര​ണ്ട് ബെ​ഡ് റൂം, ലി​വി​ങ് റൂം, ഡൈ​നി​ങ് ഹാൾ, ബാ​ത്ത് റൂം എ​ന്നി​വ​യ്‌​ക്കൊ​പ്പം കു​ട്ടി​കൾ​ക്ക് പഠി​ക്കാ​നു​ള്ള പ്ര​ത്യേ​ക സൗ​ക​ര്യ​വും മ​ത്സ്യ​ത്തൊ​ഴി​ലാ​ളി​ക​ളു​ടെ ഉ​പ​ക​ര​ണ​ങ്ങൾ സൂ​ക്ഷി​ക്കാ​നു​ള്ള സം​വി​ധാ​ന​വും ഒ​രു​ക്കി​യി​ട്ടു​ണ്ട്.
• പാർ​പ്പി​ട സ​മു​ച്ച​യ​ത്തി​നോ​ട് ചേർ​ന്ന് സ്വ​യം​തൊ​ഴിൽ കേ​ന്ദ്രം, കോ​ച്ചിംഗ് സെന്റർ, വാ​യ​ന​ശാ​ല, ബാ​ങ്ക് തു​ട​ങ്ങി​യ​വു​മാ​യി ക​മ്മ്യൂണി​റ്റി യൂ​ട്ടി​ലി​റ്റി സെന്റ​റും ര​ണ്ടാംഘ​ട്ട​ത്തിൽ ഇ​വി​ടെ ആ​രം​ഭി​ക്കാൻ പ​ദ്ധ​തി​യു​ണ്ട്. 100 വീടുകൾ നിർമ്മിക്കാനും പദ്ധതിയുണ്ട്.