കലഞ്ഞൂർ: വൈദ്യുതി നിയമ ഭേദഗതി ബിൽ 2021 പിൻവലിക്കുക, പൊതുമേഖല സ്വകാര്യവൽക്കരണം ഉപേക്ഷിക്കുക, കാർഷിക ബിൽ പിൻവലിക്കുക എന്നീ ആവശ്യങ്ങൾ ഉന്നയിച്ച് ആഗസ്റ്റ് 10ലെ പണിമുടക്കിന്റെ പ്രചരണാർത്ഥം പാർലമെന്റ് സമ്മേളനം ആരംഭിച്ച ജൂലൈ 19ന് കേന്ദ്ര സർക്കാർ സ്ഥാപനങ്ങൾക്ക് മുമ്പിൽ നടത്തുന്ന സമരത്തിന്റെ ഭാഗമായി കലഞ്ഞൂർ പോസ്‌റ്റോഫീസിന് മുമ്പിൽ ഇലക്ട്രിസിറ്റി ജീവനക്കാരുടെ സംയുക്ത സമരം സമിതിയുടെ നേതൃത്വത്തിൽ പ്രതിഷേധ ധർണ നടത്തി. സി. ഐ. ടി.യു. കലഞ്ഞൂർ പഞ്ചായത്ത് സെക്രട്ടറി എസ്.രാജേഷ് ഉദ്ഘാടനം ചെയ്തു. റോയി അദ്ധ്യക്ഷനായി. ജോർജ് വർഗീസ്, പുഷ്പകുമാർ, ഉദയചന്ദ്രൻ,സാക്‌സൺ എന്നിവർ സംസാരിച്ചു.