കോഴഞ്ചേരി: ആൻ്റോ ആൻ്റണി എം.പിയുടെ കൊവിഡ് കെയർ പദ്ധതിയുടെ ഭാഗമായി കോയിപ്രം ബ്ലോക്ക് പഞ്ചായത്ത് പരിധിയിലെ 8 പി.എച്ച്.സികളിൽ ഓക്സിജൻ കോൺസൻട്രേറ്ററുകൾ വിതരണം ചെയ്തു. ആൻ്റോ ആൻ്റണി എം.പി വിതരണോദ്ഘാടനം നിർവഹിച്ചു. ബ്ലോക്ക് പഞ്ചായത്ത് പ്രസിഡൻ്റ് ജിജി ജോൺ മാത്യു, വൈസ് പ്രസിഡൻ്റ് ലാലു തോമസ്, കെ.പി.സി.സി സെക്രട്ടറി അനീഷ് വരിക്കണ്ണാമല എന്നിവർ പ്രസംഗിച്ചു. ബ്ലോക്ക് പരിധിയിലെ കാഞ്ഞീറ്റുകര, എഴുമറ്റൂർ സാമൂഹികാരോഗ്യ കേന്ദ്രങ്ങളിലും ചുറമറ്റം, എഴുമറ്റൂർ, ഇരവിപേരൂർ, തോട്ടപ്പുഴശ്ശേരി, അയിരൂർ, കോയിപ്രം ആരോഗ്യ കേന്ദ്രങ്ങളിലുമാണ് കോൺസൻട്രേറ്റർ നൽകിയത്.