കോന്നി : കൊവിഡ് പ്രതിരോധ പ്രവർത്തനങ്ങളുടെ ഭാഗമായി ആന്റോ ആന്റണി എം.പി കോന്നി ബ്ളോക്ക് പഞ്ചായത്തിന് അനുവദിച്ച രണ്ട് ഓക്സിജൻ കോൺസൻട്രേറ്ററുകൾ താലൂക്ക് ആശുപത്രിക്ക് കൈമാറി. ബ്ളോക്ക് പഞ്ചായത്ത് പ്രസിഡന്റ് എം.വി. അമ്പിളി ഉദ്ഘാടനം ചെയ്തു. ആരോഗ്യ ,വിദ്യാഭ്യാസ സ്ഥിരം സമിതി ചെയർപേഴ്സൺ ജിജി സജി അദ്ധ്യക്ഷത വഹിച്ചു . കോന്നി പഞ്ചായത്ത് പ്രസിഡന്റ് സുലേഖ. വി.നായർ, ബ്ലോക്ക് പഞ്ചായത്ത് വൈസ് പ്രസിഡന്റ് ആർ. ദേവകുമാർ, ഗ്രാമ പഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർമാൻ പി.എച്ച്. ഫൈസൽ, ബ്ലോക്ക് പഞ്ചായത്ത് അംഗം പ്രവീൺ പ്ലാവിളയിൽ, ഗ്രാമ പഞ്ചായത്ത് അംഗം സിന്ധു സന്തോഷ്, ആശുപത്രി സൂപ്രണ്ട് ഡോ. ഗ്രേസ് മറിയം ജോർജ്ജ്, എന്നിവർ പ്രസംഗിച്ചു .