കോന്നി : സഹകരണ ജീവനക്കാരുടെ പ്രൊവിഡണ്ട് ഫണ്ട് നിക്ഷേപത്തിന് പലിശ നിരക്ക് വെട്ടിക്കുറച്ച നടപടി തിരുത്തുക, പ്രൊവിഡണ്ട് ഫണ്ട് നിക്ഷേപത്തിന് ഇ.പി.എഫ് അംഗീകാരം ലഭ്യമാക്കി ആദായനികുതി ഇളവ് ഉറപ്പുവരുത്തുക എന്നീ ആവശ്യങ്ങൾ ഉന്നയിച്ച് കേരളാ കോ - ഓപ്പറേറ്റീവ് എംപ്ലോയീസ് യൂണിയൻ (സി.ഐ.ടി.യു ) നേതൃത്വത്തിൽ കേരളാ ബാങ്ക്‌ കോന്നി ബ്രാഞ്ച് ഓഫീസിനു മുന്നിൽ പ്രതിഷേധ ധർണ്ണ നടത്തി. സി.പി.എം കോന്നി ഏരിയ കമ്മിറ്റി അംഗം ടി. രാജേഷ് കുമാർ ഉദ്ഘാടനം ചെയ്തു യൂണിയൻ ഏരിയ കമ്മിറ്റി അംഗം അഖിൽ മോഹൻ അദ്ധ്യക്ഷത വഹിച്ചു. ഏരിയ പ്രസിഡന്റ് ജോൺ പി. മാത്യു , ഷിജു, കൃഷ്ണചന്ദ്രൻ എന്നിവർ പ്രസംഗിച്ചു.