കോഴഞ്ചേരി : കാരംവേലി എസ്.എൻ.ഡി.പി. എച്ച്. എസ്. എസിലെ വിദ്യാർത്ഥികളിൽ ഓൺലൈൻ പഠന സൗകര്യം ഇല്ലാത്ത കുട്ടികൾക്ക് സ്‌കൂൾ അദ്ധ്യാപകർ തന്നെ സാമ്പത്തികം സ്വരൂപിച്ച് വാങ്ങിയ 10 മൊബൈൽ ഫോണുകളുടെ വിതരണം കോഴഞ്ചേരി എസ്.എൻ.ഡി. പി.യൂണിയൻ പ്രസിഡന്റ് മോഹൻ ബാബു ഉദ്ഘാടനം ചെയ്തു. കാരംവേലി ഹയർ സെക്കൻഡറി സ്‌കൂളിൽ സ്‌കൂൾ പ്രിൻസിപ്പൽ സിനി കുമാരി ടീച്ചർ അദ്ധ്യക്ഷത വഹിച്ചു. ഹയർ സെക്കൻഡറി സ്‌കൂളിൽ പഠിക്കുന്ന പത്തോളം കുട്ടികൾക്കാണ് ഈ ചടങ്ങിൽ മൊബൈൽ ഫോൺ വിതരണം ചെയ്തത്. ചടങ്ങിൽ കാരംവേലി ശാഖാ പ്രസിഡന്റ് വിജയരാജൻ, ഹെഡ് മിസ്ട്രസ് ജയശ്രീ ടീച്ചർ എന്നിവർ സംസാരിച്ചു. കൊവിഡ് മാനദണ്ഡം പാലിച്ച് നടന്ന ചടങ്ങിൽ അദ്ധ്യാപകരും ഫോൺ ഏറ്റുവാങ്ങാൻ വന്ന വിദ്യാർത്ഥികളും, രക്ഷിതാക്കളും പങ്കെടുത്തു.