കരുനാഗപ്പള്ളി : കേരള ടെക്സ്റ്റൈൽസ് ആൻഡ് ഗാർമെന്റ്‌സ് ഡീലേഴ്സ് വെൽഫെയർ അസോസിയേഷൻ സംസ്ഥാന വ്യാപകമായി നടത്തിവരുന്ന "തുണി കൊണ്ടൊരു തണൽ" പദ്ധതിയുടെ ഭാഗമായി കരുനാഗപ്പള്ളി മേഖലാ കമ്മിറ്റിയുടെ നേതൃത്വത്തിൽ പുത്തെൻത്തെരുവ് മെമ്മറീസ് ഇൻ ഹോട്ടലിൽ "സഹായനിധി 2021" സംഘടിപ്പിച്ചു. ചടങ്ങ് എ .എം. ആരിഫ് എം .പി ഉദ്ഘാടനം ചെയ്തു .50 പേർക്കുള്ള ധനസഹായവിതരണവും ജീവകാരുണ്യ സംഘടനകൾക്കുള്ള സാമ്പത്തിക സഹായവും കരുനാഗപ്പള്ളി കമ്മ്യൂണിറ്റി കിച്ചണിലേക്കുള്ള ഭക്ഷ്യ ധാന്യ വിതരണവും എം .എൽ. എ മാരായ സി .ആർ. മഹേഷ്, ഡോ.സുജിത്ത് വിജയൻപിള്ള, കരുനാഗപ്പള്ളി മുൻസിപ്പൽ ചെയർമാൻ കോട്ടയിൽ രാജു എന്നിവർ ചേർന്ന് നിർവഹിച്ചു. ചടങ്ങിൽ വിജയൻ തുപ്പാശ്ശേരിൽ ആദ്ധ്യക്ഷത വഹിച്ചു. ജില്ലാ പ്രസിഡന്റ് എം. കെ.നിസാർ , ജില്ലാ ജനറൽ സെക്രട്ടറി നിസാം പാത്തൂസ്, ജില്ലാ ട്രഷറർ അമീർ, രക്ഷാധികാരി ഹുസൈൻ റയാൻ, വർക്കിംഗ് പ്രസിഡന്റ് സഫീർ നാസക്, വൈസ് പ്രസിഡന്റ് ഷിബു യെസ് ഭാരത് , ജോയിൻ്റ് സെക്രട്ടറി നിസാർ, ട്രഷറർ ഹുസൈൻ ചമ്പോളിൽ, ഷിഹാബ് തുടങ്ങിയവർ പങ്കെടുത്തു.