കൊല്ലം: വിവിധ ആവശ്യങ്ങൾ ഉന്നയിച്ച് കേരളാ സ്റ്റേറ്റ് ഹെഡ്ലോഡ് വർക്കേഴ്സ് ഫെഡറേഷന്റെ (ഐ.എൻ.ടി.യു.സി) നേതൃത്വത്തിൽ ജില്ലയിലെ ക്ഷേമനിധി ഓഫീസുകൾക്ക് മുന്നിൽ ധർണ നടത്തി. ക്ഷേമനിധി അംഗങ്ങളായ തൊഴിലാളികൾക്ക് 5000 രൂപ കൊവിഡ് ധനസഹായം അനുവദിക്കുക, 10,000 രൂപ പലിശരഹിത വായ്പ അനുവദിക്കുക, ചുമട്ടുതൊഴിലാളികളെ ഇ.എസ്.ഐ പരിധിയിൽ, കൊവിഡ് ബാധിച്ച് മരിച്ച തൊഴിലാളികളുടെ കുടുംബത്തിന് പ്രത്യേക സാമ്പത്തിക സഹായം നൽകുക തുടങ്ങിയ ആവശ്യങ്ങളുന്നയിച്ചായിരുന്നു പ്രതിഷേധം.

സമ​ര​ത്തിന്റെ ജില്ലാ​തല ഉദ്ഘാ​ടനം ചാമ​ക്ക​ട​ ചുമ​ട്ടു​തൊ​ഴി​ലാളി ക്ഷേമ​നിധി ഓഫീസ് പടി​ക്കൽ സംസ്ഥാന പ്രസി​ഡന്റ് എ.​കെ. ഹഫീസ് ഉദ്ഘാടനം ചെയ്തു. ജില്ലാ പ്രസി​ഡന്റ് എസ്. നാസി​മു​ദ്ദീൻ അദ്ധ്യ​ക്ഷ​ത​ വഹിച്ചു. ജന​റൽ സെക്ര​ട്ടറി കോതേത്ത് ഭാസു​രൻ, ജില്ലാ സെക്ര​ട്ടറി എച്ച്. അബ്ദുൾ റഹ്മാൻ, സുൾഫി​ക്കർ ഭൂട്ടോ തുട​ങ്ങി​യ​വർ സംസാരിച്ചു.

 ചാത്തന്നൂരിൽ

ചാത്തന്നൂർ റീജിയണൽ കമ്മിറ്റിയുടെ നേതൃത്വത്തിൽ ചാത്തന്നൂർ ക്ഷേമനിധി ഓഫീസിന് മുന്നിൽ നടത്തിയ ധർണ ഐ.എൻ.ടി.യു.സി റീജിയണൽ പ്രസിഡന്റ്‌ മൈലക്കാട് സുനിൽ ഉദ്ഘാടനം ചെയ്തു. പരവൂർ ഹാഷിം അദ്ധ്യക്ഷത വഹിച്ചു. പ്രമോദ്, സജീവ്, രാജു, ഷെരീഫ്, ഷാജഹാൻ, സജി, പ്രദീപ്, ശിഖാവ് തുടങ്ങിയവർ നേതൃത്വം നൽകി.