പുത്തൂർ: ബന്ധുവിന്റെ സ്കൂട്ടറിൽ പിന്നിലിരുന്ന് സഞ്ചരിക്കുമ്പോൾ ലോറിയിടിച്ച് വീട്ടമ്മ മരിച്ചു. പൂയപ്പള്ളി ഓട്ടുമല കടയിൽ വീട്ടിൽ ഫിലിപ്പുകുട്ടിയുടെ ഭാര്യ വത്സമ്മയാണ് (48) മരിച്ചത്. ഇന്നലെ ഉച്ചയ്ക്ക് ഒന്നരയോടെ പുത്തൂർ മൈലംകുളം വഞ്ചിക്ക് സമീപമായിരുന്നു അപകടം. കൊടുംവളവിൽ എതിർ ദിശയിൽ നിന്നെത്തിയ ലോറിയാണ് ഇടിച്ചത്. റോഡിൽ വീണ വത്സമ്മയുടെ കൈയിലൂടെ ലോറി കയറിയിറങ്ങി. ആശുപത്രിയിലേക്ക് കൊണ്ടുപോകും വഴി മരിച്ചു. പുത്തൂർ പൊലീസ് കേസെടുത്തു. മക്കൾ: പ്രജീഷ്, പ്രിൻസ്.