ചാത്തന്നൂർ: ചാത്തന്നൂർ ശ്രീനാരായണ കോളേജിലെ എൻ.എസ്. എസ് യൂണിറ്റ്, നേച്ചർ ക്ളബ്, ഭൂ മിത്രസേന എന്നിവയുടെ സംയുക്താഭിമുഖ്യത്തിൽ വന മഹോത്സവം 2021ന്റെ ഭാഗമായി വനം വകുപ്പുമായി ചേർന്ന് കോളേജ് വളപ്പിൽ വൃക്ഷ തൈകൾ വെച്ചുപിടിപ്പിക്കുന്നു. പദ്ധതിയുടെ ഉദ്ഘാടനം ഇന്ന് 12.30ന് മന്ത്രി എ.കെ. ശശീന്ദ്രൻ നിർവഹിക്കും. ജി.എസ്. ജയലാൽ എം.എൽ.എ അദ്ധ്യക്ഷത വഹിക്കും. കോളേജ് പ്രിൻസിപ്പൽ ഡോ. എം.എസ്. ലത സ്വാഗതം പറയും. ചീഫ് ഫോറസ്റ്റ് കൺസർവേറ്റർ സതേൺ സർക്കിൾ കൊല്ലം സഞ്ജയ്‌ കുമാർ, ചിറക്കര ഗ്രാമ പഞ്ചായത്ത് പ്രസിഡന്റ് സി. സുശീലദേവി, ജില്ലാ പഞ്ചായത്ത് അംഗം ശ്രീജ ഹരീഷ്, ബ്ലോക്ക് പഞ്ചായത്തംഗം എൻ. ശർമ്മ, ഗ്രാമ പഞ്ചായത്ത് അംഗം വിനീത ദീപു, എസ്.എൻ.ഡി.പി യൂണിയൻ പ്രസിഡന്റ് ബി.ബി. ഗോപകുമാർ, സെക്രട്ടറി കെ. വിജയകുമാർ, അസി. ഫോറസ്റ്റ്‌ കൺസർവേറ്റർ വി.ജി. അനികുമാർ എന്നിവർ പ്രസംഗിക്കും. ടി.വി. നിഷ, രശ്മി കുണ്ടാഞ്ചേരി, നിഷാ സോമരാജൻ, കിരൺ മോഹൻ, ബിനോയ് തുടങ്ങിയവർ നേതൃത്വം നൽകും.