കൊട്ടാരക്കര: ഉമ്മന്നൂർ ഗ്രാമ പഞ്ചായത്ത് പഴിഞ്ഞം കൊടുവന്നൂർക്കോണം കോളനിയിലെ നിർദ്ധനരായവർക്ക് ഹൃദയ സ്പർശം ഗ്രൂപ്പിന്റെ ആഭിമുഖ്യത്തിൽ വസ്ത്രവും കാൻസർ ചികിത്സാ സഹായവും വിതരണം ചെയ്തു. കോളനിയിലെ അഗ്രോ സെന്ററിൽ നടന്ന ചടങ്ങ് ജില്ലാ പഞ്ചായത്ത് പ്രസിഡന്റ് സാം കെ. ഡാനിയൽ ഉദ്ഘാടനം ചെയ്തു. ബാബുമാത്യു അദ്ധ്യക്ഷത വഹിച്ചു. കാൻസർ രോഗികൾക്കുള്ള ചികിത്സാ സഹായ വിതരണം ഉമ്മന്നൂർ ഗ്രാമ പഞ്ചായത്ത് വൈസ് പ്രസിഡന്റ് പി.വി.അലക്സാണ്ടർ നിർവഹിച്ചു. കൊട്ടാരക്കര ബാർ അസോസിയേഷൻ പ്രസിഡന്റ് എൻ.പി.പ്രദീപ് ,സുരാജ് എന്നിവർ സംസാരിച്ചു..