കടയ്ക്കൽ: കൊവിഡ് വ്യാപനം രൂക്ഷമായ സാഹചര്യത്തിൽ കടയ്ക്കൽ ഗ്രാമപഞ്ചായത്തിൽ ട്രിപ്പിൾ ലോക്ക് ഡൗൺ ഏർപ്പെടുത്തി. മരുന്ന്, ആവശ്യസാധനങ്ങൾ എന്നിവ വാങ്ങുന്നതിന് ഒഴികെ ആരും വീടിന് പുറത്തിറങ്ങരുതെന്ന് കടയ്ക്കൽ ഗ്രാമപഞ്ചായത്ത് പ്രസിഡന്റ് മനോജ്‌കുമാർ അറിയിച്ചു. അവശ്യ സാധനങ്ങൾ വാങ്ങാൻ ഇറങ്ങുന്നവർ നിർബന്ധമായും റേഷൻ കാർഡ് കയ്യിൽ കരുതണം. 10 നും 60 നും മുകളിൽ പ്രായമുള്ളവർ യാതൊരു കാരണവശാലും പുറത്തിറങ്ങരുത്. കൂട്ടം കൂടി നിൽക്കുന്നവർക്കെതിരെയും ലോക്ക് ഡൗൺ ലംഘനം നടത്തുന്നവർക്കെതിരെയും കടുത്ത നിയമ നടപടികൾ സ്വീകരിക്കും. കൊവിഡ് രോഗികൾ ഉള്ള കുടുംബവും ക്വാറന്റൈനിൽ ഇരിക്കുന്ന കുടുംബവും വാർഡ് മെമ്പറെയോ, ആർ.ആർ.ടി അംഗങ്ങളെയോ അറിയിച്ചാൽ അവശ്യസാധനങ്ങൾ വീട്ടിൽ എത്തിക്കുമെന്നും പ്രസിഡന്റ് അറിയിച്ചു.