എഴുകോൺ: ഇന്ധന വില വർദ്ധനവിനെതിരെ ഡി.വൈ.എഫ്.ഐയുടെ നേതൃത്വത്തിൽ കേന്ദ്ര സർക്കാർ സ്ഥാപനങ്ങൾക്ക് മുന്നിൽ പ്രതിഷേധ ധർണ നടത്തി. നെടുവത്തൂർ ബ്ലോക്ക് കമ്മിറ്റിയുടെ നേതൃത്വത്തിൽ എഴുകോൺ റെയിൽവേ സ്റ്റേഷന് മുന്നിൽ നടന്ന ധർണ സി.പി.എം ജില്ലാ സെക്രട്ടേറിയറ്റംഗം പി.എ.എബ്രഹാം ഉദ്ഘാടനം ചെയ്തു. ഡി.വൈ.എഫ്.ഐ ബ്ലോക്ക് പ്രസിഡന്റ്‌ ജെ. അനുരൂപ് അദ്ധ്യക്ഷത വഹിച്ചു. സെക്രട്ടറി എ. അഭിലാഷ്, സി.പി.എം ഏരിയ കമ്മിറ്റിയംഗം കെ. ഓമനക്കുട്ടൻ, എസ്.എഫ്.ഐ ഏരിയ സെക്രട്ടറി ഗോപീകൃഷ്ണൻ, ബ്ലോക്ക് എക്സിക്യൂട്ടീവ് അംഗം എൻ. നിയാസ്, എസ്. ഉണ്ണികൃഷ്ണൻ, ബി. ബിബിൻരാജ്, സരിഗ, അഖിൽ അശോക്, ഗോകുൽ കൃഷ്ണൻ എന്നിവർ പങ്കെടുത്തു.