കൊട്ടിയം: ഇന്ധനവില വർദ്ധനവിൽ പ്രതിഷേധിച്ച് രാജ്ഭവനിലേക്ക് സൈക്കിൾ യാത്ര നടത്തുന്ന ഷാഫി പറമ്പിൽ എം.എൽ.എയ്ക്ക് ജില്ലയിലെ വിവിധ കേന്ദ്രങ്ങളിൽ കോൺഗ്രസ്, യൂത്ത് കോൺഗ്രസ് പ്രവർത്തകർ സ്വീകരണം നൽകി. ഉമയനല്ലൂരിൽ നൽകിയ സ്വീകരണത്തിന് ഗ്രാമപഞ്ചായത്ത് അംഗവും മണ്ഡലം പ്രസിഡന്റുമായ ഉമയനല്ലൂർ റാഫി നേതൃത്വം നൽകി. മേവറത്ത് ബ്ലോക്ക് പ്രസിഡന്റ് നാസർ, തട്ടാമലയിൽ യൂത്ത് കോൺഗ്രസ് അസംബ്ലി പ്രസിഡന്റ് പിണയ്ക്കൽ ഫൈസ്, പള്ളിമുക്കിൽ ഷാ സലിം, കൊട്ടിയത്ത് സാജൻ എന്നിവർ നേതൃത്വം നൽകി.
യൂത്ത് കോൺഗ്രസ് സംസ്ഥാന ഭാരവാഹികളായ ഫൈസൽ കുളപ്പാടം, ആർ.എസ്. അബിൻ, ഷെഫിക്ക് കിളികൊല്ലൂർ എന്നിവർ സൈക്കിളിൽ എം.എൽ.എയെ അനുഗമിച്ചു.