കൊട്ടാരക്കര: ഇഞ്ചക്കാട് കൈരളി ഗ്രന്ഥശാലയുടെ ആഭിമുഖ്യത്തിൽ സ്ത്രീപീഡനങ്ങൾക്കെതിരെ സ്നേഹഗാഥ എന്ന സത്രീ സുരക്ഷാ കാമ്പയിൻ നടത്തി. പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സൺ എസ്.ശ്രീകല കാമ്പയിൻ ഉദ്ഘാടനം ചെയ്തു. ഗ്രന്ഥശാല പ്രസിഡന്റ് കെ. ബാലകൃഷ്ണൻ അദ്ധ്യക്ഷനായി. സെക്രട്ടറി കെ.വാസുദേവൻപിള്ള, ജി.ഉണ്ണികൃഷ്ണൻ നായർ, എൻ.ഗിരിധരൻനായർ, ജി.വിജയൻപിള്ള, വൈഷ്ണവി എന്നിവർ സംസാരിച്ചു.