കൊല്ലം: കലാകാരന്മാരുടെ ദേശീയസംഘടനയായ സംഘകലാവേദിയുടെ നേതൃത്വത്തിൽ കേരളത്തിലെ അവശത അനുഭവിക്കുന്ന കലാകാരന്മാർക്ക്‌ കൈത്താങ്ങായി കാരുണ്യവാഹനം യാത്ര തുടരുന്നു.
ഭക്ഷ്യധാന്യകിറ്റും കുട്ടികൾക്കുള്ള പഠനോപകരണങ്ങളും കൊവിഡ്‌ സുരക്ഷാ ഉപകരണങ്ങളുമായി നാളെ ജില്ലയിൽ പര്യടനം നടത്തും.
രാവിലെ 11ന്‌ കൊല്ലം പ്രസ്‌ ക്ലബ്‌ മൈതാനത്ത്‌ നടക്കുന്ന ചടങ്ങ്‌ ദേശീയ ചെയർമാൻ സംവിധായകൻ രാജസേനൻ ഉദ്‌ഘാടനം ചെയ്യും. സംഘകലാവേദി ദേശീയ ജനറൽ സെക്രട്ടറി ഡോ. നൂറനാട്‌ ഷാജഹാൻ, സംസ്ഥാന ഐ.ടി മീഡിയ സെക്രട്ടറി രമേഷ്‌ ഗോപാൽ, ജില്ലാ രക്ഷാധികാരിമാരായ കെ.ആർ. പ്രസാദ്‌, തപസ്യ മധു, പ്രസിഡന്റ് സുരേഷ്‌ കുണ്ടറ, ജില്ലാ കോ ഓഡിനേറ്റർ കാഥികൻ അഞ്ചൽ ഗോപൻ തുടങ്ങിയവർ നേതൃത്വം നൽകും.
ജില്ലയിലെ ആയിരത്തിലേറെ കുടുംബങ്ങൾക്കാണ്‌ മുത്തൂറ്റ്‌ ഗ്രൂപ്പിന്റെയും നെടുമങ്ങാട്‌ വിദ്യാഭവൻ അമൃത കൈരളി സ്‌കൂളിന്റെയും സഹകരണത്തോടെ സഹായം എത്തിക്കുന്നത്‌.