കരുനാഗപ്പള്ളി : സഹപാഠികൾക്ക് ഓൺലൈൻ പഠനത്തിനായി ആക്രി ചലഞ്ചിലൂടെ എസ്.എഫ്.ഐ പ്രവർത്തകർ കണ്ടെത്തിയ പണം ഉപയോഗിച്ച് വാങ്ങിയ സ്മാർട്ട് ഫോണുകൾ വിതരണം ചെയ്തു. കരുനാഗപ്പള്ളി ഐ .എം .എ ഹാളിൽ സംഘടിപ്പിച്ച ചടങ്ങിൽ മന്ത്രി കെ. എൻ .ബാലഗോപാൽ ഫോണുകൾ വിതരണം ചെയ്തു.എസ് .എഫ് .ഐ ഏരിയാ കമ്മിറ്റി പ്രസിഡന്റ് മുസാഫിർ സുരേഷ് അദ്ധ്യക്ഷനായി. ഏരിയാ സെക്രട്ടറി സി .പി . എം ജില്ലാ സെക്രട്ടേറിയറ്റ് അംഗം പി. ആർ .വസന്തൻ, ഏരിയാ കമ്മിറ്റി സെക്രട്ടറി പി .കെ .ബാലചന്ദ്രൻ, എസ് .എഫ് .ഐ കേന്ദ്രകമ്മിറ്റി അംഗം ആദർശ് എം. സജി, ജില്ലാ പ്രസിഡന്റ് അഞ്ജു കൃഷ്ണ, സെക്രട്ടറി അനന്തു , സംസ്ഥാന കമ്മിറ്റി അംഗങ്ങളായ ആര്യാ പ്രസാദ്, എസ് .സന്ദീപ് ലാൽ, നഗരസഭാ ചെയർമാൻ കോട്ടയിൽ രാജു,ജി .സുനിൽ, അമൽ സുരേഷ് തുടങ്ങിയവർ പങ്കെടുത്തു.

ആക്രി സാധനങ്ങൾ പെറുക്കിയും പത്രങ്ങൾ ശേഖരിച്ചും സമാഹരിച്ച 1,70,000 രൂപ ഉപയോഗിച്ചാണ് 31 ഫോണുകൾ വാങ്ങിയത്.എസ്. എഫ് .ഐ നേതാവായിരുന്ന അജയ് പ്രസാദിന്റെ പതിനാലാം രക്തസാക്ഷി ദിനാചരണത്തിന്റെ ഭാഗമായാണ് പരിപാടി സംഘടിപ്പിച്ചത്.