കു​ന്നി​ക്കോ​ട് : വി​ള​ക്കു​ടി ഗ്രാ​മ​പ​ഞ്ചാ​യ​ത്തിൽ കോ​ട്ട​വ​ട്ടം സ്വ​ദേ​ശി​ക​ളാ​യ ര​ണ്ട് പേ​രു​ടെ പ്ര​യത്നം കൂ​ടി കൊ​ണ്ടാ​ണ് ഗോ​വ​യിൽ ന​ട​ന്ന ദേ​ശീ​യ യൂ​ത്ത് ക​ബ​ഡി ടൂർ​ണ​മെന്റിൽ കേ​ര​ള ക​ബ​ഡി ടീം വി​ജയിച്ചത്. ന​ട​രാ​ജ് ഭ​വ​നിൽ നി​ധീ​ഷും പാ​റ​വി​ള വീ​ട്ടിൽ വി​നു​വു​മാ​ണ് വി​ജ​യ​ത്തി​ന്റെ പി​ന്നി​ലെ ആ താ​ര​ങ്ങൾ. ഗോ​വ​യിൽ നെഹ്റു സ്റ്റേ​ഡി​യ​തിൽ ന​ട​ന്ന ഫൈ​നൽ മ​ത്സ​ര​ത്തിൽ കേ​ര​ളം മ​ഹാ​രാ​ഷ്ട്ര​യോടാണ് വിജയിച്ചത്. മ​ത്സ​ര​ത്തിൽ നി​ധീ​ഷ് ഡി​ഫൻ​ഡ​റും വി​നു റൈ​ഡ​റു​മാ​യി​രുന്നു. പ​ത്തം​നം​തി​ട്ട ജി​ല്ല​യു​ടെ സീ​നി​യർ ടീ​മിൽ മൂ​ന്നു വർ​ഷ​മാ​യി നി​ധീ​ഷ് ക​ളി​ക്കു​ന്നു. ഇ​ട​യ്​ക്ക് ഒ​രു വർ​ഷ​ത്തോ​ളം ടീം ക്യാപ്റ്റനു​മാ​യി​രു​ന്നു. സം​സ്ഥാ​ന സ്​കൂൾ ക​ബ​ഡി ടീ​മിൽ അം​ഗ​മാ​യി​രു​ന്ന വി​നു നി​ല​വിൽ സർ​വ​ക​ലാ​ശാ​ല​യ്​ക്ക് വേ​ണ്ടി ക​ളി​ക്കു​ന്നുണ്ട്.

പൊ​തു​ക​ളി​സ്ഥ​ല​ങ്ങൾ ഇല്ല

ഇ​വ​രു​ടെ നേ​ട്ട​ത്തിൽ നാട് അ​ഭി​മാ​നി​ക്കു​മ്പോൾ ഇ​വ​രുടെ മനസിൽ വി​ഷ​മമുണ്ടാക്കുന്ന ഒ​രു പ്ര​ധാ​ന കാ​ര്യ​മു​ണ്ട്. സ്വന്തം നാ​ടാ​യ കോ​ട്ട​വ​ട്ട​ത്ത് ക​ബ​ഡി ക​ളി​ക്കാ​നും പ​രി​ശീ​ല​നം ന​ട​ത്തു​വാ​നും സൗ​ക​ര്യ​മി​ല്ലെന്നത്. കോ​ട്ട​വ​ട്ടത്ത് പൊ​തു​ക​ളി​സ്ഥ​ല​ങ്ങൾ ഇ​ല്ല. ആ​കെ​യു​ള്ള സ്ഥ​ലം കോ​ട്ട​വ​ട്ടം ഹൈ​സ്​കൂൾ മൈ​താ​ന​മാ​ണ്. ക​ബ​ഡി പ​രി​ശീ​ലി​ക്കാൻ കു​ട്ടി​ക​ളു​ടെ അ​ഭ്യർ​ത്ഥ​ന മാ​നി​ച്ചാ​ണ് സ്​കൂൾ അ​ധി​കൃ​തർ നി​ശ്ചി​ത സ​മ​യ​ത്തേ​ക്ക് സ്​കൂൾ മൈ​താ​നം ഉ​പ​യോ​ഗി​ക്കാൻ അ​നു​വ​ദി​ച്ച​ത്. എ​ന്നാൽ ക​ബ​ഡി ക​ളി​ക്കാ​നും പ​രി​ശീ​ലി​ക്കാ​നും ഇ​വി​ടം അ​ത്ര​യോ​ജി​ച്ച​തുമ​ല്ല. കോ​ട്ട​വ​ട്ട​ത് വേ​റെ​യു​മു​ണ്ട് ക​ബ​ഡി താ​ര​ങ്ങൾ. കോ​ഴി​ക്കോ​ട് സർ​വ​ക​ലാ​ശാ​ലാ ക​ബ​ഡി ടീ​മം​ഗ​മാ​യ അർ​ജുൻ എ​സ്. കു​മാർ, പ​ത്തം​നം​തി​ട്ട ജി​ല്ല​യു​ടെ ജൂ​നി​യർ ക​ബ​ഡി ടീ​മം​ഗ​മാ​യ ടി.എം. നി​ഥിൻ തു​ട​ങ്ങി ക​ബ​ഡി ക​ളി​ക്കു​ന്ന നി​ര​വ​ധി കു​ട്ടി​ക​ളു​മുണ്ട്. കോട്ടവട്ടത്ത് കബഡികളിക്കാൻ ഇടം വേണമെന്ന ആവശ്യമാണ് എല്ലാവർക്കുമുള്ളത് .