കരുനാഗപ്പള്ളി : സ്വാതന്ത്ര്യ സമര പോരാളി ക്യാപ്ടൻ ലക്ഷ്മിയുടെ ചരമ ദിനത്തോടനുബന്ധിച്ച് കരുനാഗപ്പള്ളി കേന്ദ്രമാക്കി പ്രവർത്തിക്കുന്ന ക്യാപ്ടൻ ലക്ഷ്മി ഹെൽത്ത് ആൻഡ് പാലിയേറ്റീവ് സൊസൈറ്റിയുടെ നേതൃത്വത്തിൽ അനുസ്മരണവും രക്തദാനവും സംഘടിപ്പിച്ചു. പാലിയേറ്റീവ് വോളണ്ടിയർമാരായ നൂറോളം പേർ രക്തം ദാനം ചെയ്തു. കൊല്ലം ബ്ലഡ് ബാങ്കുമായി സഹകരിച്ചാണ് രക്തദാന ക്യാമ്പ് സംഘടിപ്പിച്ചത്. ക്യാപ്ടൻ ലക്ഷ്മി അനുസ്മരണ പരിപാടി സാമൂഹ്യ ക്ഷേമ ബോർഡ് ചെയർപേഴ്സൺ സൂസൻകോടിയും രക്തദാന ക്യാമ്പ് കരുനാഗപ്പള്ളി താലൂക്ക് ആശുപത്രി സൂപ്രണ്ട് ഡോ. തോമസ് അൽഫോൺസും ഉദ്ഘാടനം ചെയ്തു. സൊസൈറ്റി രക്ഷാധികാരി പി .ആർ .വസന്തൻ മുഖ്യപ്രഭാഷണം നടത്തി. പ്രസിഡന്റ് കെ .ജി .ശിവപ്രസാദ് അദ്ധ്യക്ഷനായി. നഗരസഭാ ചെയർമാൻ കോട്ടയിൽ രാജു, ഡോ.നിസാർ, എ .സജീവ് എന്നിവർ സംസാരിച്ചു.