അഞ്ചൽ: വനിതാ ലയൺസിന്റെ കൂട്ടായ്മയായ കൗൺസിൽ ഒഫ് ലയൺ ലേഡീസിന്റെ 2021-22 വർഷത്തെ ഭാരവാഹികളുടെ സ്ഥാനാരോഹണം നടന്നു. അഞ്ചൽ റോയൽ ഓഡിറ്റോറിയത്തിൽ നടന്ന ചടങ്ങ് മുൻ ‌ഡിസ്ട്രിക്ട് ഗവർണർ ഇന്ദിരാ രവീന്ദ്രനാഥ് ഉദ്ഘാടനം ചെയ്തു. കൗൺസിൽ ഒഫ് ലയൺ ലേഡിസ് പ്രസിഡന്റായി രാധാമണി ഗുരുദാസ് (അഞ്ചൽ ടൗൺ ലയൺസ് ക്ലബ്) ,​ സെക്രട്ടറിയായി കൃഷ്ണപ്രിയ (തിരുവനന്തപുരം നാഷൺൽ ക്ളബ്) ,​അഡ്മിനിസ്ട്രേറ്ററായി ഡോ. ഗീതാ രാധാകൃഷ്ണൻ (അഞ്ചൽ ടൗൺ ലയൺസ് ക്ലബ്),​ ട്രഷററായി ഷീബാ യശോധരൻ (അഞ്ചൽ ടൗൺ ലയൺസ് ക്ലബ്) ആണ് ചുമതലയേറ്റത്. ഡിസ്ട്രിക്ട് ഗവർണർ ഗോപകുമാർ മേനോൻ യോഗം ഓൺലൈനായി ഉദ്ഘാടനം ടെയ്തു. അഞ്ചൽ -ഇടമുളയ്ക്കൽ ഗവ. ഹോമിയോ ആശുപത്രികളിലേയ്ക്ക് വാട്ടർ പ്യൂരിഫയർ നൽകി സേവനപ്രവർത്തനങ്ങളുടെ ഉദ്ഘാടനവും ഇതോടനുബന്ധിച്ച് നടന്നു.