കരുനാഗപ്പള്ളി: ബസ് ഓപ്പറേറ്റേഴ്സ് ഫെഡറേഷന്റെ നേതൃത്വത്തിൽ ബസ് ഉടമകൾ ഇന്ന് ഉപവാസം സംഘടിപ്പിക്കുന്നു. പൊതുഗതാഗതം സംരക്ഷിക്കുക, കൊവിഡ് കാലത്തെ റോഡ് ടാക്സ് ഒഴിവാക്കുക, പൊതു ഗതാഗതത്തിനാവശ്യമായ ഡീസലിന് സബ്സിഡി നൽകുക, ചെലവിന് ആനുപാതികമായി വരുമാനം വർദ്ധിപ്പിക്കുക, നിലവിലുള്ള ബസ് പെർമിറ്റുകൾ ദൂരപരിധി നോക്കാതെ യഥാസമയം പുതുക്കി നൽകുക, പലിശ രഹിത വായ്പ അനുവദിക്കുക, പൊതുഗതാഗത സംരക്ഷണത്തിന് പാക്കേജ് പ്രഖ്യാപിക്കുക തുടങ്ങിയ ആവശ്യങ്ങൾ ഉന്നയിച്ചാണ് ഉപവാസം.