ചാത്തന്നൂർ: ഗൃഹനാഥനെ ഇഷ്ടിക കമ്പനി പുരയിടത്തിൽ മരിച്ച നിലയിൽ കണ്ടെത്തി. ആദിച്ചനല്ലൂർ പ്ലാക്കാട് കുഴിവിള വീട്ടിൽ വേലായുധൻപിള്ളയാണ് (53) മരിച്ചത്. ഇന്നലെ രാവിലെ പ്ലാക്കാട് തുരുത്ത് കായലിന് സമീപം കോണത്ത് കടവിന് സമീപത്തെ ഇഷ്ടിക കമ്പനി പുരയിടത്തിൽ പശുവിനെ മേയ്ക്കാനെത്തിയവരാണ് മൃതദേഹം കണ്ടെത്തിയത്.

മൃതദേഹം പാരിപ്പള്ളി മെഡിക്കൽ കോളജ് മോർച്ചറിയിൽ. സംസ്കാരം ഇന്ന് ഉച്ചയ്ക്ക് വീട്ടുവളപ്പിൽ നടക്കും. ഭാര്യ: ഉഷാകുമാരി (മുൻ ആദിച്ചനല്ലൂർ ഗ്രാമപഞ്ചായത്തംഗം). മക്കൾ: ഉണ്ണിക്കൃഷ്ണൻ, ശ്രുതി. മരുമകൻ: രാജേഷ്. ചാത്തന്നൂർ പൊലീസ് മേൽനടപടികൾ സ്വീകരിച്ചു.