 വനിതാ കണ്ടക്ടർ ഉൾപ്പെടെ അഞ്ചുപേർക്ക് പരിക്ക്

കൊ​ട്ടി​യം: ദേ​ശീ​യ​പാ​ത​യിൽ നി​യ​ന്ത്ര​ണംവി​ട്ട ലോ​റി യാ​ത്ര​ക്കാ​രു​മാ​യി പോ​കു​ക​യാ​യി​രു​ന്ന കെ.എ​സ്.ആർ.ടി.സി ബ​സി​ന് പിന്നിൽ ഇ​ടി​ച്ച ശേ​ഷം എ​തിർ​വ​ശത്തെ ക​ട​യി​ലേ​ക്ക് ഇ​ടി​ച്ചുക​യ​റി. ക​ട​യി​ലു​ണ്ടാ​യി​രു​ന്ന രണ്ടുപേർ​ക്കും ലോ​റി ഡ്രൈ​വർ​ക്കും ബസിലെ വ​നി​താ​ ക​ണ്ട​ക്ടർ​ക്കും ഡ്രൈ​വർ​ക്കും പ​രി​ക്കേ​റ്റു. അപകടസ​മ​യം റോ​ഡി​ലും ക​ട​യ്​ക്ക് മു​ന്നി​ലും ആ​ളി​ല്ലാ​തി​രു​ന്ന​തി​നാൽ വൻദു​ര​ന്തം ഒ​ഴി​വാ​യി.

ഇന്നലെ വൈ​കി​ട്ട് അഞ്ച് മണിയോടെ ദേ​ശീ​യപാ​ത​യിൽ ഉ​മ​യ​ന​ല്ലൂ​രി​ലാ​യി​രു​ന്നു അ​പ​ക​ടം. തി​രു​വ​ന​ന്ത​പു​രത്ത് നി​ന്ന് വരികയായി​രു​ന്ന ലോ​റി നിയന്ത്രണംവിട്ട് തൊ​ട്ടുമു​ന്നിൽ ​പോ​കു​ക​യാ​യി​രു​ന്ന കെ.എ​സ്.ആർ.ടി.സി ഓർ​ഡി​ന​റി ബ​സി​ന്റെ പു​റ​കിൽ ഇ​ടിക്കുകയും തുടർന്ന് എസ്റ്റേറ്റ് റോഡ് ആരംഭിക്കുന്ന ഭാഗത്ത് സ്ഥിതിചെയ്യുന്ന സലീമിന്റെ കടയിലേക്ക് ഇടിച്ചുകയറുകയുമായിരുന്നു. ക​ട​ പൂർ​ണ​മാ​യി ത​കർ​ന്നു.

ക​ട​യിലുണ്ടായിരുന്ന ഉ​മ​യ​ന​ല്ലൂർ സ്വ​ദേ​ശി​ക​ളാ​യ റ​ഷീ​ദ് (61), ബ​ദ​റു​ദ്ദീൻ (59), ലോ​റി ഡ്രൈവർ ഷി​ബു (40) എ​ന്നി​വർ​ക്കാ​ണ് പ​രി​ക്കേ​റ്റ​ത്. ഇ​വ​രെ കൊ​ട്ടി​യം ഹോ​ളി​ക്രോ​സ് ആ​ശു​പ​ത്രി​യിൽ പ്ര​വേ​ശി​പ്പി​ച്ചു. പ്ര​ഥ​മ ശു​ശ്രൂ​ഷ​കൾ​ക്ക് ശേ​ഷം ഷിബുവിനെ ഇ.എ​സ്.ഐ ആ​ശു​പ​ത്രി​യി​ലേ​ക്ക് മാ​റ്റി. ഇടിയുടെ ആ​ഘാ​ത​ത്തിൽ ബ​സി​നു​ള്ളിൽ വീ​ണ് വ​നി​താ ക​ണ്ട​ക്ടർ മേ​വ​റം സ്വ​ദേ​ശി ആർ. ദീപ, മൂ​വാ​റ്റു​പു​ഴ സ്വ​ദേ​ശി പ്ര​വീൺ പ​യ​സ് എന്നിവർക്കും പരിക്കേറ്റു. ഇവരെ മേവറത്തെ സ്വകാര്യ ആ​ശു​പ​ത്രി​യിൽ പ്ര​ഥ​മ ശു​ശ്രു​ഷ​കൾ​ക്ക് ശേ​ഷം ജി​ല്ലാ ആ​ശു​പ​ത്രി​യി​ലേ​ക്ക് മാ​റ്റി.

ബ​സിൽ ഇ​ടി​ക്കു​ന്ന​തി​ന് മു​മ്പ് ഒ​രു ബൈ​ക്കി​ലും ലോ​റി ഇ​ടി​ച്ച​താ​യി ദൃക്സാക്ഷികൾ പ​റ​യു​ന്നു. സം​ഭ​വം ന​ട​ന്ന​യു​ടൻ സ്ഥ​ല​ത്തെ​ത്തി​യ കൊ​ട്ടി​യം എ​സ്.ഐ സു​ജി​ത്ത് നാ​യ​രു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘ​മാ​ണ് രക്ഷാപ്രവർത്ത​ന​ങ്ങൾ​ക്ക് നേ​തൃ​ത്വം നൽ​കി​യ​ത്. അപകടത്തെ തു​ടർ​ന്ന് ദേ​ശീ​യപാ​ത​യിൽ ഏ​റെനേ​രം ഗ​താ​ഗ​തം ത​ട​സ​പ്പെ​ട്ടു. മ​ണി​ക്കൂ​റു​കൾ നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ് ക്രെ​യിൻ ഉ​പ​യോ​ഗി​ച്ച് ലോ​റി മാറ്റിയത്.