കൊല്ലം: വിവിധ ആവശ്യങ്ങൾ ഉന്നയിച്ച് തൊഴിലുറപ്പ് തൊഴിലാളി യൂണിയൻ (യു.ടി.യു.സി) ​ജില്ലാ കമ്മിറ്റിയുടെ നേതൃത്വത്തിൽ ആഗസ്റ്റ് 5ന് ചിന്നക്കട ഹെഡ് പോസ്റ്റോഫീസ് ഉപരോധിക്കും. തൊഴിലുറപ്പ് തൊഴിലാളികൾക്ക് കൊവിഡ് ധനസഹായമായി ഓണത്തിന് 5000 രൂപ വീതം നൽകണം,​ കൊവിഡ് പ്രതിരോധ കുത്തിവയ്പ്പിൽ മുൻഗണന നൽകണം,​ തൊഴിലുറപ്പ് ക്ഷേമനിധി നടപ്പിലാക്കണം എന്നീ ആവശ്യങ്ങൾ ഉന്നയിച്ചാണ് പ്രതിഷേധം സംഘടിപ്പിക്കുന്നത്.

ജില്ലാ ഭാരവാഹികളുടെ യോഗത്തിൽ ആക്ടിംഗ് പ്രസിഡന്റ് പ്ളാക്കാട് ടിങ്കു അദ്ധ്യക്ഷത വഹിച്ചു. സെക്രട്ടറി വെളിയം ഉദയകുമാർ,​ ആർ.എസ്.പി ജില്ലാ സെക്രട്ടറി കെ.എസ്. വേണുഗോപാൽ,​ യു.ടി.യു.സി ജില്ലാ പ്രസിഡന്റ് ടി.സി. വിജയൻ,​ എം.എസ്. ഗോപകുമാർ,​ എം.എസ്. ബിജു,​ സോഫിയ സലാം,​ സ്വർണമ്മ തുടങ്ങിയവർ പങ്കെടുത്തു.