കൊല്ലം: കേരള മുസ്ലിം ജമാഅത്ത് കൗൺസിൽ സംഘടിപ്പിച്ച ഈദ് സംഗമത്തിൽ ഗാന്ധിഭവൻ സെക്രട്ടറി പുനലൂർ സോമരാജനും പ്രവാസി ജീവകാരുണ്യപ്രവർത്തകൻ അഡ്വ. എം.എ. സിറാജുദീനും 'വോയിസ് ഇസ്ലാം എക്‌​സലൻസ് അവാർഡ്' ഗവർണർ ആരിഫ് മുഹമ്മദ് ഖാൻ സമ്മാനിച്ചു.
25,000 രൂപയും ഫലകവുമാണ് അവാർഡ്. രാജ്ഭവനിൽ നടന്ന ചടങ്ങിൽ അവാർഡ് കമ്മിറ്റി ചെയർമാൻ പന്ന്യൻ രവീന്ദ്രൻ അദ്ധ്യക്ഷത വഹിച്ചു. കർദ്ദിനാൾ ക്ലിമ്മീസ് കത്തോലിക്കാ ബാവ പുരസ്​കാര ജേതാക്കളെ പൊന്നാട അണിയിച്ചു. പാളയം ഇമാം ഡോ. വി.പി. സുഹൈബ് മൗലവി, ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്‌​നം ജ്ഞാനതപസ്വി, നൂറുൽ ഇസ്ലാം യൂണിവേഴ്‌​സിറ്റി പ്രോ വൈസ് ചാൻസലർ എം.എസ്. ഫൈസൽ ഖാൻ, ജമാ അത്ത് കൗൺസിൽ സംസ്ഥാന പ്രസിഡന്റ് കരമന ബയാർ എന്നിവർ സംസാരിച്ചു.