മരോട്ടിച്ചാൽ: വല്ലൂർ മേഖലയിൽ കാട്ടാന പ്രശ്‌നം പരിഹരിക്കുന്നതിനായി ആധുനിക രീതിയിലുള്ള വൈദ്യുതി ലൈനുകൾ സ്ഥാപിക്കുമെന്ന് റവന്യൂ മന്ത്രി കെ. രാജൻ പറഞ്ഞു. കാട്ടാനയിറങ്ങി കൃഷി നശിപ്പിച്ച സ്ഥലങ്ങൾ സന്ദർശിക്കുകയായിരുന്നു മന്ത്രി. വൈദ്യുതി ലൈൻ തകർന്ന പതിനൊന്നര കിലോമീറ്റർ ഭാഗത്ത് പഴയ കാലുകൾ മാറ്റി പുതിയ കാലുകൾ സ്ഥാപിക്കും. ഇതിനായി എട്ടര ലക്ഷം രൂപ ചെലവ് വരും. എത്രയും പെട്ടെന്ന് ഈ തുക പാസാക്കി പ്രവൃത്തികൾ പൂർത്തിയാക്കാൻ സർക്കാർ തലത്തിൽ ശ്രമിക്കുമെന്നും മന്ത്രി പറഞ്ഞു. ലൈഫ് ഗാർഡുമാർക്ക് ആവശ്യമായ സുരക്ഷ ഉപകരണങ്ങൾ നൽകുമെന്നും മന്ത്രി പറഞ്ഞു. ഒല്ലൂക്കര ബ്ലോക്ക് പ്രസിഡന്റ് കെ.ആ.ർ.രവി, പുത്തൂർ ഗ്രാമപഞ്ചായത്ത് പ്രസിഡന്റ് മിനി ഉണ്ണികൃഷ്ണൻ എന്നിവരും മന്ത്രിയോടൊപ്പമുണ്ടായിരുന്നു.